Кабінет астраноміі ў ліцэі №1. Фота: liceum1grodno.schools.by
Smart-цэнтр астраноміі і астрафізікі «Сірыус» адкрыўся ў Гродне 17 верасня. Ён з’явіўся на базе ліцэя № 1. Там выкарыстоўваюць тэхналогіі віртуальнай і дапоўненай рэальнасці, а таксама «разумны» глобус.
«Разумны» цэнтр астраноміі і астрафізікі абсталяваны тэлескопам. Яго будуць выкарыстоўваць для астранамічных назіранняў. Гэта будзе карысным пры падрыхтоўцы ліцэістаў да міжнародных алімпіяд па астраноміі і астрафізіцы.
Праз VR-акуляры можна папрысутнічаць ў палёце на Марс або «даследаванні» гравітацыйнай раўнавагі ў Сонечнай сістэме. А таксама пагрузіцца ў нетры зямлі або прагуляцца па Міжнароднай касмічнай станцыі.
Цэнтр абсталяваны сучасным абсталяваннем, якія дазваляюць зрабіць працэс навучання школьнікаў займальным і сучасным, сцвярджаюць на сайце ліцэя № 1. Выпускніца ліцэя Ксенія Гаравенка спецыяльна для «разумнага» цэнтра распрацоўвае касмічную smart-галерэю. Яна прадугледжвае некалькі узроўняў «пашырэння» прасторы навучальнага кабінета і пагружэння вучня ў віртуальнае асяроддзе.
Наведаць адукацыйныя заняткі ў smart-цэнтры могуць вучні іншых школ. Для гэтага трэба пакінуць папярэднюю заяўку.
Аб арганізацыі кабінета астраноміі Hrodna.life пісаў у траўні 2021 года. Тады інфармацыя пра гэта з’явілася на сайце дзяржзакупак, а дырэктар ліцэя Ігар Маслоў казаў, што кабінет будзе працаваць як гарадскі рэсурсны цэнтр — наведаць яго змогуць усе гараджане. На просьбу карэспандэнткі Hrodna.life пракаментаваць стварэнне «разумнага» класа 23 верасня дырэктар адказаў, што яму гэта «нецікава абмяркоўваць».
Чытайце таксама: Кабінет астраноміі з віртуальнай рэальнасцю створаць у адной з гродзенскіх школ
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…