Ігар Банцэр падчас аднаго з выступаў. Фота з асабістага архіва Банцэра
Гродзенскаму музыку і палітзняволенаму Ігару Банцэру 5 верасня працягнулі тэрмін утрымання ў штрафным ізалятары на 10 дзён. Пра гэта паведаміў сябар музыкі Андрэй Мялешка ў сваім Facebook. Гэта ўжо чацвёртае падаўжэнне тэрміну ўтрымання ў ШЫЗА. Агулам музыка правядзе ў ізалятары 40 дзён без перадачаў і сустрэчаў з адвакатам.
Першы раз Ігар Банцэр быў змешчаны ў ізалятар 6 жніўня, нібыта за парушэнне рэжыма. Другі раз — 18 жніўня, за спрэчкі з кантралёрам. Трэці - 26 жніўня. Па словах сукамернікаў Ігара, яны самі не разумеюць, за што Ігара змясілі ў ізалятар чарговы раз, распавёў Hrodna.life сябар музыкі Андрэй Мялешка.
З боку адміністрацыі «хіміі» на музыку ўзмацніўся ціск. Таксама Ігар Банцэр адмовіўся пісаць прашэнне аб памілаванні на імя Аляксандра Лукашэнкі.
Па выніку трох парушэнняў падчас адбывання пакарання на «хіміі», зняволенага могуць асудзіць да трох гадоў пазбаўлення волі.
Ігар Банцэр з 17 чэрвеня адбывае пакаранне ў папраўчай ўстанове адкрытага тыпу № 9 у горадзе Віцебску.
Суддзя Наталля Козел 19 сакавіка прызнала Ігара Банцэра вінаватым у хуліганстве і прысудзіла яму 1,5 гады абмежавання волі з накіраваннем у папраўчую ўстанову адкрытага тыпу. Яго вызвалілі з-пад варты ў зале суда пад падпіску аб нявыездзе. Ігара судзілі за танец, які ён выканаў у верасні 2020 перад міліцыянтам. Паводле версіі пракурора, ён прадэманстраваў пры гэтым свае геніталіі. Сам Ігар настойваў: ён быў у стрынгах, так што міліцыянт не мог бачыць яго голым.
Пяць месяцаў Ігар знаходзіўся ў турме № 1 у Гродне. Адзін дзень знаходжання пад вартай роўны двум днях абмежавання волі. Гэта значыць, Ігару засталося адбыць шэсць месяцаў пакарання.
Ад 3 сакавіка, калі пачаўся разгляд справы ў судзе, Ігар трымаў сухую галадоўку. 15 сакавіка праваабаронцы прызналі Банцэра палітвязнем.
На таргі выставілі ўчастак каля кальцавой развязкі праспекта Касманаўтаў і вуліцы Карскага. Згодна з прызначэннем…
Сэрвіс карт ад Google абнавіў спадарожнікавыя фатаграфіі Гродна. На іх можна ўбачыць найбуйнейшыя будоўлі горада,…
Гродзенка Вікторыя Талкоўская апублікавала TikTok, у якім папрасіла гараджан назваць самыя змрочныя месцы Гродна. За…
Праз дарогу ад гандлёва-забаўляльнага цэнтра Triniti на праспекце Янкі Купалы прадаюць трохпакаёўку ў новым доме.…
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…