Даехаць да новых Грандзічаў стане прасцей: зменіцца маршрут аўтобуса № 5

У Гродне з 18 жніўня працягнуць маршрут аўтобуса № 5 «Лапенкі-Райсельгастэхніка», паведаміў Аператар пасажырскіх перавозак. Цяпер гэтым аўтобусам можна будзе дабрацца ў гарадскі раён Грандзічы.

З 18 жніўня аўтобус № 5 паедзе па маршруце: прыпыначны пункт «Лапенкі» — вуліца Асфальтавая — вуліца Віктара Саяпіна — вуліца Валянціны Макаравай — вуліца Віктара Глухава — вуліца Белыя Росы — вуліца Ліможа, далей па сваім маршруце без зменаў, назад у тым жа кірунку.

Маршрут змянілі дзеля школьнікаў з мікрараёна Грандзічы, піша «Вечерний Гродно». Зараз яны змогуць дабірацца да школы № 27 на Дзевятоўцы і назад на аўтобусе.

Жылы раён Грандзічы пачалі будаваць у 2018 годзе. Асноўны забудоўшчык — ААТ «Гроднажылбуд». Тут збіраюцца пабудаваць 22 мікрараёны: 14 пад шматпавярховую забудову і 8 — для прыватных дамоў. Усяго па планах тут будуць пражываць 65 тысяч чалавек.

На цяперашні момант дабудаваныя Грандзічы-2 і частка Грандзічаў-3, ідуць грамадскія абмеркаванні забудовы Грандзічаў-4. Да вуліцы Саяпіна (Грандзічы-2) можна даехаць таксама на тралейбусе № 23.

Падзяліцца

Апошнія запісы

У Гродне адкрылася крама «Власть кофе» з напоем кубінскіх каранёў

Крама “Власть кофе” абяцае шырокі асартымент абсмажанай кавы з розных куткоў свету - Лацінскай Амерыкі,…

8 красавіка 2025

У Гродне адкрыўся рэстаран «Бекон»: двухпавярховы і з адкрытай кухняй

У рэстаране “Бекон” будуць спалучаць амерыканскую і паназіяцкую кухню. Там будзе адкрытая кухня - можна…

8 красавіка 2025

Розніца ў 200 гадоў. Самая вядомая «гістарычная» выява Новага замка — насамрэч сучасная рэканструкцыя

Малюнак гродзенскага каралеўскага палаца, які быццам бы стварыў невядомы аўтар у XVIII стагоддзі, набыў вялікую…

8 красавіка 2025

У цэнтры Гродна адкрылася фотастудыя — кліентаў прывабліваюць жывымі куранятамі

У сярэдзіне сакавіка на Замкавай, 11 адкрылася фотастудыя Retreat. У студыі ёсць некалькі працоўных зон…

8 красавіка 2025

Гродзенскі «Кронан Парк Гатэль» прызналі найлепшым гатэлем ў краінах СНД

Гатэль «Кронон Парк Гатэль», размешчаны ў лесапарку Пышкі ў Гродне, атрымаў прэмію Travel Time Awards…

7 красавіка 2025

У Беларусі рэзкі рост пазбаўлення бацькоўскіх правоў — дасягнулі «рэкорду» за апошнія 9 гадоў

У 2024 годзе бацькоўскіх правоў у Беларусі былі пазбаўлены бацькі 3 955 дзяцей. Гэта найбольшая колькасць…

7 красавіка 2025