Суд прызнаў сайт і сацыяльныя сеткі канала «Б****т» экстрэмісцкімі.
Рашэнне пра гэта прыняў суд Чыгуначнага раёна Гомеля 27 ліпеня. Падставай сталі матэрыялы праверкі ўпраўлення ГУБАЗіК МУС па Гомельскай вобласці, паведамляе прэс-служба МУС. У дакуменце, фота якога размешчана ў канале МУС, пералічаныя сайт тэлеканала, Telegram-канал, профілі ў Facebook, ВКонтакте і Instagram. Пазней, пасля абнаўлення Рэспубліканскага спісу экстрэмісцкіх матэрыялаў Міністэрства інфармацыі, стала вядома, што забароненае таксама любое выкарыстанне лагатыпа канала, а таксама надпісаў на кірыліцы і лацінцы: «Б****т» і «B****T».
9 ліпеня суд прызнаў экстрэмісцкім Telegram-канал Hrodna.life. Ён больш недаступны. Рэдакцыя стварыла новы канал t.me/hrodnalike, не забаронены і бяспечны для чытачоў і для нас. Акрамя таго ў 2021 годзе за тое, што міліцыя знайшла на сайце матэрыялы аднаго з забароненых Telegram-каналаў, рэдакцыя атрымала штрафы ў 12 600 рублёў, 725 рублёў (галоўнаму рэдактару як фізічнай асобе) і 14 500 рублёў. За гэта ж судзілі і галоўнага рэдактара сайта Newgrodno.by.
З лютага 2021 года пачалі аб’яўляць экстрэмісцкімі многія пратэстныя Telegram-каналы, як рэспубліканскія, так і мясцовыя. Пасля рашэння суда рэсурсы, прызнаныя забароненымі, уносяць у «Рэспубліканскі спіс экстрэмісцкіх матэрыялаў» на сайце Міністэрства інфармацыі. За размяшчэнне спасылак на гэтыя каналы, распаўсюджванне і захоўванне інфармацыі (фота, відэа з лагатыпамі каналаў) з іх пагражае адміністрацыйная адказнасць паводле арт. 19.11 КаАП з пакараннем у выглядзе штрафу або арышту.
Для падпісантаў мае значэнне не рашэнне суда, а ўнясенне інфармацыйных матэрыялаў у рэспубліканскі спіс экстрэмісцкіх матэрыялаў. Гэта робіць Міністэрства інфармацыі пасля атрымання копіі рашэння суда.
Сама падпіска на уключаныя ў спіс рэсурсы не тоесная захоўванню экстрэмісцкіх матэрыялаў. Тым не менш, падпісантам варта праверыць свае тэлефоны і камп’ютары: у наладах Telegram па змаўчанні вызначана запампоўка медыяфайлаў на прыладу. Як гэта праверыць і як змяніць налады, чытайце тут.
Чытайце таксама:
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…