Па ініцыятыве Мінскай раённай пракуратуры Мінскі райвыканкам ліквідаваў сацыяльна-культурную ўстанову развіцця беларускай мовы і культуры «Мова Нанова». Пра гэта 23 ліпеня ў сваім фэйсбук паведаміў стваральнік курсаў Глеб Лабадзенка.
Закрыццё курсаў адбылося нібыта з-за «нестатунай дзейнасці»: выкарыстанні відэа з незарэгістраванай сімволікай і лагатыпам тэлеканала «Б****т». Аспрэчваць ліквідацыю курсаў Глеб Лабадзенка не плануе, спасылаючыся на «цяперашнія ўмовы».
«Безумоўна, гэта сумна. І баліць так жа, як і за іншыя арганізацыі, якія рабілі шмат карыснага і якія ліквідавалі. За сёння нам напісала вельмі шмат людзей, выказваючы словы падзякі і падтрымкі. Так што наша аўдыторыя з намі, ліквідаваўшы ўстанову — не ліквідуеш еднасць людзей. Гэта галоўнае», — распавяла Hrodna.life вядоўца курсаў «Мова Нанова Гародня» Эмілія Комар.
Што такое «Мова Нанова»
Бясплатныя курсы беларускай мовы былі створаны філолагам Алесяй Літвіноўскай і журналістам Глебам Лабадзенка ў 2014 годзе ў Мінску. У лістападзе 2014 года курсы атрымалі дзяржаўную рэгістрацыю як «Сацыяльна-культурная ўстанова развіцця беларускай мовы і культуры». У 2021 годзе курсы праводзіліся ў 15 гарадах. Штотыдзень заняткі наведвала каля 650 студэнтаў.
У Гродне курсы праходзілі з 14 сакавіка 2014 года. Інтэрактыўныя заняткі адбываліся ў «Цэнтры гарадскога жыцця» на Кірава, 3. Прынцыповым момантам арганізацыі было адсутнасць палітычнага ўхілу.
На 23 ліпеня вядома пра больш чым 40 ліквідаваных грамадскіх арганізацый, паведамляе «Вясна». Сярод іх:
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…