Фота: pixabay.com
Першы кампанент вакцыны ад каранавіруса атрымалі 9,2% жыхароў рэгіёну. У Ваўкавыскім, Шчучынскім, Зэльвенскім раёнах гэтая лічба даходзіць да 20 адсоткаў, паведамляе «Гродзенская праўда».
— На сённяшні дзень у Гродзенскай вобласці вакцынавана фактычна 10% насельніцтва — першым кампанентам і 7% насельніцтва — другім кампанентам вакцыны. Маюцца ў дастатковай колькасці ў нас вакцыны. Гэта больш за 30 тысяч доз першага кампанента і больш за 12 тысяч доз другога кампанента, што можа забяспечыць бесперабойную працу для вакцынацыі нашых людзей, — распавяла АНТ Людміла Кеда, начальнік Галоўнага ўпраўлення аховы здароўя Гродзенскага аблвыканкама.
Акрамя таго, прышчапіліся ўжо больш за 60% жыхароў вобласці з групы рызыкі - медыкаў, педагогаў, сацыяльных работнікаў.
Прышчэпачная кампанія ў Гродзенскім дзяржаўным універсітэце імя Янкі Купалы стартавала яшчэ ў лютым гэтага года. Як распавяла «Гродзенскай праўдзе» загадчык пункта аховы здароўя ГрДУ імя Янкі Купалы Марына Кравец, сёння прышчэплены больш за 32% супрацоўнікаў ВНУ.
— Мы вакцынуем усіх, хто выказвае жаданне. Аднак перад прышчэпкай кожнага пацыента аглядае лекар-імунолаг, праводзіцца збор алергічнага анамнезу, аглядаюцца слізістыя, вымяраецца артэрыяльны ціск, праводзіцца тэрмометрыя цела. Калі ўзнікаюць якія-небудзь сумневы, прапануем даабследавацца: у інструкцыі пазначаны шэраг станаў, пры якіх трэба выконваць асаблівую асцярожнасць. Важна, што пасля ўколу пацыенты яшчэ як мінімум паўгадзіны застаюцца пад наглядам медыкаў, — распавяла Марына Кравец.
Прывіваць замежнікаў ад COVID-19 у Беларусі пачнуць з сярэдзіны ліпеня. У Гродзенскай вобласці гэтую паслугу дадуць 11 паліклінік, дзве з іх — у самым Гродне. А зараз у вобласці набірае абароты вакцынацыя жыхароў рэгіёна. Акцэнт — на працу мабільных брыгад, іх у вобласці больш за 300.
Выязджаюць па заяўках на прадпрыемствы і ў арганізацыі. На Гродзенскім мясакамбінаце працуюць амаль 2 тысячы чалавек. Медыкі прыязджаюць сюды рэгулярна па графіку, паведамляе АНТ.
Чытайце таксама:
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…