Святлана Алексіевіч і Анджаліна Джалі абмеркавалі сітуацыю ў Беларусі, у тым ліку ціск на Гродзенскі дзіцячы хоспіс. Размова доўжылася блізу дзвюх гадзін.
Сустрэчу беларускай нобелеўскай лаўрэаткі і амерыканскай акторкі зладзілі Беларускі фонд культурнай салідарнасці і Amnesty International. Анджаліна Джалі - амбасадарка добрай волі ААН. Яна сказала, што надзвычай уражаная кнігай «У вайны не жаночы твар». Таксама яна выказала занепакоенасць ціскам на дзіцячы хоспіс у Гродне, за сітуацыяй вакол якога пільна сочыць, паведамляе фонд.
Анджаліна і Святлана таксама размаўлялі пра палітвязняў і спосабы іх падтрымкі.
Гродзенскі дзіцячы хоспіс сутыкнуўся з ціскам з боку дзяржавы. На кіраўнічку хоспіса, Вольгу Вялічку, завялі крымінальную справу. Прычына — нібыта злоўжыванне спонсарскай дапамогай. Вольга з сям’ёй з’ехала за мяжу.
У снежні ў Эканамічным судзе скасавалі дамову арэнды паміж хоспісам і Камбінатам школьнага харчавання. Гэтак хоспіс страціў адно з памяшканняў. У сакавіку 2021 года стала вядома, што Гродзенская пракуратура падала на хоспіс у суд па просьбе дзіцячай паліклінікі № 2, дзе хоспіс таксама арандаваў памяшканне. Тое памяшканне ў хоспіса ў выніку забралі. Таксама ў сакавіку невядомыя праніклі ў памяшканне хоспіса на вул. Дамейкі.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…