Рашэнне аб прызнанні канала экстрэмісцкім 22 красавіка прыняў суд Чыгуначнага раёна Гомеля, паведаміла прэс-служба Міністэрства ўнуртаных спраў (МУС). Падставай паслужыла праверка абласнога ўпраўлення па барацьбе з арганізаванай злачыннасцю і карупцыяй (ГУБАЗіК) МУС.
Прычына — размяшчэнне на канале заклікаў да масавых беспарадкаў, «паклёпніцкія матэрыялы пра супрацоўнікаў МУС для распальвання сацыяльнай варожасці» і распаўсюджванне матэрыялаў, уключаных у рэспубліканскі спіс экстрэмісцкіх матэрыялаў, удакладніла ведамства. Канал таксама абвінавачваюць у тым, што вялікая частка яго інфармацыі накіраваная на падрыў аўтарытэту дзейнай улады.
За публікацыю (рэпост) інфармацыі з названага Telegram-канала прадугледжана адміністрацыйная адказнасць і пакаранне аж да арышту. На момант публікацыі ў канала было 51 832 падпісчыкі.
З лютага 2021 года пачалі абвяшчаць экстрэмісцкімі многія пратэстныя Telegram-каналы, як рэспубліканскія, так і мясцовыя. Пасля рашэння судоў іх уносяць у рэспубліканскі спіс экстрэмісцкіх матэрыялаў. За размяшчэнне спасылак на з гэтыя каналы, распаўсюджванне і захоўванне інфармацыі (фота, відэа з лагатыпамі каналаў) з іх пагражае адміністрацыйная адказнасць.
19 красавіка з ініцыятывы гродзенскай пракуратуры экстрэмісцкім прызналі Telegram-канал «Гродно 97%». Рашэнне вынес суд Ленінскага раёна Гродна.
Сама падпіска на такія каналы не тоесная захоўванню экстрэмісцкіх матэрыялаў. Тым не менш, падпісчыкам варта праверыць свае тэлефоны і кампутары: у наладах Telegram па змаўчанні вызначана запампоўка медыяфайлаў на прыладу. Як гэта праверыць і як змяніць налады, мы пісалі тут.
Паводле рашэння суда Ленінскага раёна Гродна 19 сакавіка 2021 года Hrodna.life атрымаў штраф за распаўсюд экстрэмісцкай інфармацыі — 400 базавых велічынь (11 600 рублёў). Галоўны рэдактар Аляксей Шота ў дадатак атрымаў штраф у 25 базавых велічынь (725 рублёў) па тым жа артыкуле як фізічная асоба. 12 красавіка рэдактар newgrodno.by Ігар Бублікаў (Рэмзік) атрымаў штраф у 25 базавых велічынь (725 рублёў) па тым жа артыкуле. Праверку распачалі і ў дачыненні да «Газеты Слонімскай». Усе тры выпадкі звязаныя з публікацыямі, якія змяшчалі матэрыялы Telegram-канала Сцяпана Пуцілы, раней прызнанага экстрэмісцкім.
26 красавіка, а 16.00 у Гродзенскім абласным судзе (вул. Карбышава, 20) адбудзецца разгляд абскарджання рашэння суда аб штрафе для Hrodna.life.
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…