Новости

Памяшканне «Кубы» прадаюць. Уласнік абяцае дапамагчы пакупніку, калі той захавае бар

У Гродне на аўкцыён выставілі памяшканне бара «Куба» на Калючынскай, 12. Пачатковая цана — 298 750 рублёў без ПДВ.

Плошча памяшкання, выстаўленага на продаж — 99,9 кв. м, цяперашняе прызначэнне — памяшканне грамадскага харчавання. Ці застанецца там бар «Куба», будзе вырашаць новы ўласнік. Дагавор арэнды на аб’ект з цяперашнім арандатарам дзейнічае да 1 сакавіка 2021 года.

«Шкада, што мне не ўдаецца цалкам прысвяціць сябе гэтаму бізнэсу. Я зрабіў для бара ўсё, што мог, але я не рэстаратар», — казаў раней уласнік памяшкання.

Аўкцыён пройдзе 9 лютага ў 12:00 па адрасе пл. Леніна, д. 2/1, актавая зала. Арганізатар — «Гродзенскі цэнтр нерухомасці». Апошні тэрмін падачы дакументаў - 3 лютага, да 17:00.

«Бар дзейны. Новы гаспадар, калі гэта інвестар, можа падоўжыць арэнду або працаваць сам, — распавяла Hrodna.life ўласніца памяшкання, Ганна Солтан. — Калі ён возьме обявязацельства захаваць назву і фармат, усе дэкарацыі і мэблю атрымае бясплатна».

Уласнікі спадзяюцца, што бар патрапіць у добрыя рукі. У такім выпадку яны дапамогуць новаму гаспадару пачаць працу. Тым не менш, на продаж выстаўлены менавіта аб’ект нерухомасці, а не бізнес ці права арэнды, і новы ўласнік будзе мець права змяніць мэтавае прызначэнне памяшкання.

Бар «Куба» існуе ў Гродне сем гадоў. За гэты час ён стаў культавым для многіх гродзенцаў. Праблемы з суседзямі ва ўстановы пачаліся з канца 2017 года. Туды перыядычна выклікалі міліцыю і скардзіліся на шум.

У адной кропцы на Калючынскай, 12, знаходзіліся бары «Cuba», «Cloud» і «Малако» (зачыніўся праз той жа канфлікт у 2019 годзе, зараз там індыйскі рэстаран «Ганга»). У 2019 годзе канфлікт абвастрыўся: некалькі жыхароў з вул. Калючынскай, 12 і дома насупраць напісалі калектыўную скаргу ў Гродзенскі гарвыканкам. Прайшлі праверкі службы МНС, санстанцыі і РАУС. Бару загадалі абмежаваць працу да 23.00 да ліквідацыі недахопаў. Іх выправілі за два тыдні, але праз месяц пасля паўторнай скаргі час працы абмежавалі да 23:00 ужо канчаткова.

Неўзабаве бар зачыніўся, праз некаторы час аднавіў працу з новым арандатарам. Пасля абмежавання часу працы прэтэнзій у суседзяў не было.

Падзяліцца

Апошнія запісы

Літва забараніла перасякаць мяжу на матацыклах і мапедах — іх стала занадта шмат

Зараз праз памежныя пераходы ў Медынінкай (з беларускага боку Каменны Лог) і Шальчынінкай (Беняконі) можна…

16 красавіка 2025

У Гродне прадаюць вядомы начны клуб — з абсталяваннем, штатам і базай кліентаў

У Гродне на продаж выставілі начны клуб "Калізей 2000". Ён прадаецца як гатовы бізнес. Паглядзелі,…

16 красавіка 2025

У Гродне прадаюць падвал з дызайнерскім рамонтам

Прадаюць камерцыйнае памяшканне ў падвале будынка на вул. Савецкіх Пагранічнікаў, 17. Там дызайнерскі рамонт у…

16 красавіка 2025

У Гродне прадаюць маёмасць фірмы «Новое зрение». Клініку пазбавілі ліцэнзіі - яна сышла з Беларусі

У Гродне з аўкцыёну прадаюць памяшканне афтальмалагічнага цэнтра "Новое зрение" на вул. Леніна, 13-3. У…

15 красавіка 2025

У Гродне адкрыўся «партал у 90-я» — чарачная DEHDИ. Уладальнікі адсылаюць да рускіх фільмаў

Чарачная “са смакам дзяцінства” DEHDИ адкрылася ў Гродне на вул. 1-й Працоўнай, 8. Уладальнікі абяцаюць,…

15 красавіка 2025

У Гродне з’явіўся «пакой лютасці» — там легальна можна знішчаць рэчы і тэхніку

У Гродне на Лідскай, 15А адкрыўся "пакой лютасці". Ва ўстанове пад назвай «Дебошь» можна скінуць…

15 красавіка 2025