Гродзенца асудзілі на 3,5 гады турмы за кінуты ў мікрааўтобус АМАП бетон. Яго ўзялі пад варту ў зале суда

Сяргея Рымшу асудзілі на 3,5 гады калоніі агульнага рэжыму. Прысуд вынес суддзя Юрый Казакевіч 21 студзеня ў судзе Ленінскага раёна Гродна. Яго прызналі вінаватым паводле ч. 1 арт. 342 КК і арт. 364 КК. Сяргея заключылі пад варту ў зале суда. З яго спагналі 375 рублёў на карысць аўтагаспадаркі УУС Гродзенскага аблвыканкама.

Сяргея абвінавацілі па арт. 364 КК — пагроза гвалту ў адрас супрацоўніка органаў унутраных спраў. А таксама па ч.1. арт. 342 КК — удзел у дзеяннях, якія груба парушаюць грамадскі парадак. На думку абвінавачання, ён кінуў тры кавалкі бетону ў мікрааўтобус з АМАПам 9 жніўня. Пацярпелымі прызнаныя шэсць супрацоўнікаў АМАП. Пацярпелыя не заявілі іскі аб матэрыяльнай або маральнай шкодзе.

Дзяржабвінаваўца Мікіта Мыслівец раней запытаў 4,5 гады пазбаўлення волі. Ён папрасіў узяць Рымшу пад варту пасля абвяшчэння прысуду ў зале суда. Адвакат настойваў, што гродзенец невінаваты.

«Віну катэгарычна не прызнаю»

 — Высокі суд! Я да гэтага часу, як і многія прысутныя, знаходжуся ў здзіўленні, і нават трохі шакаваны тым, што я ўсё яшчэ застаюся ў ролі абвінавачанага, а не пацярпелага ў выніку фізічных дзеянняў супрацоўнікаў АМАП.

Доўга я час ваша займаць не буду. Віну катэгарычна не прызнаю. З абвінавачваннем не згодны. Ніякіх прадметаў, фрагментаў бетону я не кідаў. Пагрозы фізічнага гвалту для супрацоўнікаў не ўяўляў. Сваімі дзеяннямі не натхняў навакольных на ўдзел у несанкцыянаваным масавым мерапрыемстве.

У мяне ўсё. Прашу вынесці справядлівае рашэнне, — сказаў Сяргей Рымша ў апошнім слове 21 студзеня.

Парушэнняў у дзеяннях АМАП не знайшлі

Пры затрыманні 9 жніўня Сяргея збілі - разбілі нос і губу. Пасля жорсткага затрымання ён дрэнна чуе на левае вуха, абвастрылася траўма калена. Па факце збіцця Рымша звярнуўся ў Следчы камітэт. Яму 24 лістапада адмовілі ў распачынанні крымінальнай справы.

Абаронца Сяргея будзе абскарджваць рашэнне суда. Рымша будзе знаходзіцца ў СІЗА № 1 Гродна да рашэння абласнога суда.

Чытайце яшчэ:

• Еще одного гродненца начали судить за насилие над силовиками. На скамье — шесть потерпевших, которые его избили

• С личными вещами в зал принесли куски бетона. Продолжают судить гродненца, которого в день выборов избивали шестеро

• Пракурор запытаў 4,5 года турмы за кінуты ў мікрааўтобус АМАПа бетон. Пацярпелыя аб шкодзе не заявілі