Люди собрались на дворовой фестиваль в Гродно 11 октября. Фото: Hrodna.life
У апошні час узмацнілася цікавасць да калегіяльных органаў тэрытарыяльнага грамадскага самакіравання (КОТГС, або больш вядомы рускамоўны варыянт — КОТОС). Гродзенскія грамадскія актывісты запрашаюць гараджан сустрэцца і абмеркаваць прынцыпы працы і афармлення КОТГС, даведацца іх функцыі і магчымасці.
КОТГС — гэта легальныя ў Беларусі, добраахвотныя аб’яднанні гараджан з мэтай паляпшэння месцаў, дзе яны жывуць: двароў, раёнаў. Яны могуць падтрымліваць мясцовыя ініцыятывы і вырашаць агульныя пытанні, якія патрабуюць стасункаў з мясцовай уладай. Праўда, функцыянаваць КОТГС можа толькі калі людзі праяўляюць ініцыятыву і цікавасць да яго дзейнасці.
Пасля прыняцця Закона «Аб мясцовым кіраванні і самакіраванні» у 2010 годзе гэта форма тэрытарыяльнага самакіравання так і не стала публічнай і шырока не распаўсюджана. Тым не менш, падобныя КОТГСы ўтвораны па ўсёй Беларусі. Мясцовыя дэпутаты ўцягнутыя ў іх дзейнасць. Мясцовыя адміністрацыі рэгіструюць і нават штогод праводзяць конкурсы на лепшы КОТОС.
«Грамадзяне, якія пражываюць у тым ці іншым раёне горада, лепш за ўсіх ведаюць аб мясцовых праблемах — недзе неабходна ўпарадкаваць паркоўку аўтатранспарту, недзе добраўпарадкаваць месцы для адпачынку дзецям ці ўпарадкаваць вываз бытавога смецця. КОТГСы могуць спрыяць наладзіць сувязь паміж грамадзянамі, мясцовымі дэпутатамі і адміністрацыяй, але гэтага не адбываецца. Прычына, перш за ўсё ў тым, што грамадзяне не ўключаны ў працэс стварэння КОТГС», — лічыць Ігар Банцар, гродзенскі грамадскі актывіст. З 2010 года ён сабраў тэчку перапіскі з гродзенскімі органамі ўлады па пытаннях рэгістрацыі і функцыянавання КОТГСаў. Большасць КОТГС, якія цяпер ёсць у Беларусі - непублічныя, фіктыўныя, створаныя на базе ЖЭСаў. Але ёсць і добрыя прыклады працы КОТГС і ўдзелу ў іх актыўных гараджан.
19 студзеня (аўторак) а 18:30 грамадскія актывісты раскажуць:
Аб месцы правядзення можна даведацца пасля папярэдняй рэгістрацыі для ўдзельнікаў сустрэчы, якая неабходная для вырашэння арганізацыйных пытанняў.
Спасылка для рэгістрацыі: https://forms.gle/bhtFZdPBAe6ZUBh48
Уваход на сустрэчу бясплатны. Колькасць месцаў абмежавана для эпідэміялагічнай бяспекі. Не забывайце маскі!
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…