Лукашэнка ўзнагародзіў камандзіра гродзенскага АМАПу і іншых сілавікоў дзяржаўнымі ўзнагародамі. У адказ яго прынялі ў АМАП

Лукашэнка наведаў менскі атрад міліцыі асаблівага прызначэння (АМАП). Там ён уручыў сілавікам дзяржаўныя ўзнагароды, у тым ліку камандзіру гродзенскага АМАПа, а ў адказ яму ўручылі чорны бярэт. Цяпер ён амапавец.

Аляксандр Лукашэнка ўручыў дзяржаўныя ўзнагароды сілавікам — прадстаўнікам МУС, Мінабароны, КДБ, Дзяржаўнага пагранічнага камітэта, Службы бяспекі прэзідэнта.

У ліку узнагароджаных — камандзір АМАПа УУС Гродзенскага аблвыканкама Віктар Краўцэвіч, камандзіры мінскага і брэсцкага АМАПа, намеснік міністра ўнутраных спраў і начальнік крымінальнай міліцыі Генадзь Казакевіч; намеснік міністра ўнутраных спраў, камандуючы ўнутранымі войскамі Мікалай Карпянкоў, камандзір спецыяльнага атрада хуткага рэагавання ўнутраных войскаў МУС Аляксандр Быкаў і іншыя.

Віктар Краўцэвіч вядомы тым, што асабіста ўдзельнічаў у разгонах, прыязджаў на раённыя мерапрыемствы суседзяў, дзяжурыў на ўключэнні навагодняй ілюмінацыі, неаднаразова выступаў сведкам на судах. Кожную нядзелю ён выходзіць на Савецкую плошчу ў Гродне.

У адказ на ўзнагароджанне камандзір мінскага АМАПа Дзмітрый Балаба ўручыў Аляксандру Лукашэнку чорны бярэт (для АМАПа мае такое ж значэнне, як і крапавы — для ваеннаслужачых унутраных войскаў) «за асаблівыя заслугі».

«Вы былі з намі ў баявых парадках, і зараз вы паўнавартасны баец АМАПа», — сказаў Балаба.

Чытайце таксама: Гродненцам отказывают в возбуждении уголовных дел против силовиков. Почему все равно важно жаловаться на пытки

Нагадаем, што ў праваабаронцаў няма звестак ні аб адной крымінальнай справе, узбуджанай за гвалт з боку сілавікоў у дачыненні да тысяч беларусаў. У следчыя органы па фактах гвалту з боку сілавікоў падчас пратэстаў звярнуліся больш за 1800 чалавек, казаў 11 верасня Віталь Капилевич, начальнік РУУС Ленінскага раёна Менска. На 8 кастрычніка, па дадзеных праваабаронцаў, было зафіксавана больш за 500 выпадкаў катаванняў. На днях упершыню са жніўня ў Беларусі суд задаволіў скаргу на адмову ва ўзбуджэнні крымінальнай справы за гвалт з боку сілавікоў. Суддзя Маскоўскага раёну Мінска адмяніла пастанову следчага і накіравала копію ў Следчы камітэт для правядзення дадатковай праверкі па факце нанясення цялесных пашкоджанняў супрацоўнікамі органаў унутраных спраў непаўналетняму хлопцу.

Чытайце таксама: После выстрелов ОМОН гродненцу с шизофренией ампутировали ногу и назначили принудительное лечение