15 снежня ў 17:00 адкрыўся гродзенскі магазін OZ. Гандлёвы аб’ект будзе працаваць па ранейшым адрасе: вул. Савецкая, 18, штодня з 10.00 да 20.00, паведамілі Hrodna.life ў кампаніі.
У OZ звяртаюць увагу, што ў святочныя дні ў крамы асаблівы графік: 25 снежня ён адкрыты з 10:00 да 19:00, 31 снежня — з 10:00 да 18:00, а 1 студзеня — выхадны. З 2-га студзеня 2021 года з панядзелка па суботу магазін OZ будзе чакаць наведвальнікаў з 10:00 па 20:00, у нядзелю — з 10:00 да 19:00.
1 лістапада магазін OZ у ГЦ «Нёман» зачынілі па рашэнні Дзяржкамітэта па стандартызацыі. Крама не працавала 26 кастрычніка — Дзень «народнага ультыматуму». Пункт самавывазу ў ГЦ «Нёман» спыніў працу 29 лістапада, новы пункт самавывазу пачаў працу 1 снежня на вул. Сацыялістычнай, 38. Ён будзе працаваць да 17 снежня ўключна.
Пра OZ
Кампанія OZ уключае ў сябе адзін з найбуйнейшых беларускіх інтэрнэт-магазінаў OZ.by і сетку рознічных магазінаў OZ. Першы магазін брэнда OZ адкрыўся ў 2009 годзе. Сетка ўключае ў сябе 28 магазінаў па ўсёй Беларусі.
OZ закроет в Гродно пункт выдачи заказов. Магазин ранее закрыли по решению Госстандарта
