Суд над Юзефом Немеро в Гродно 3 ноября
За ўдар у ягадзіцу і «масавыя беспарадкі» дзяржабвінаваўца 10 лістапада запытаў два гады пазбаўлення волі з накіраваннем у калонію агульнага рэжыму і штраф у 200 базавых велічынь (5400 рублёў). 63-гадовага гродзенца Юзэфа Немера працягнулі судзіць па арт.364 і ч.1 арт.342 КК.
Дзяржабвінаваўца Петрашко палічыў, што віна па арт. 364 КК (гвалт у дачыненні да супрацоўніка органаў унутраных спраў) і ч. 1 арт. 342 КК (Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх) даказаная цалкам. Ён запытаў пакаранне — два гады пазбаўлення волі з накіраваннем у калонію агульнага рэжыму і штраф у 200 базавых велічынь. Пазоў у 1000 рублёў на пакрыццё маральнай шкоды ад сілавіка задаволілі цалкам. Юзэфа пакінулі пад вартай. Знаходжанне пад вартай залічаць у тэрмін адбыцця пакарання.
Адвакат лічыць, што запытанае дзяржабвінаваўцам пакаранне непрапарцыйна зробленаму. На яго думку, па ч. 1 арт. 342 КК Немеру трэба апраўдаць з-за адсутнасці складу злачынства. Ён звярнуў увагу, што ў Немеры пры сабе не было артыбутыкі, а па праезнай частцы калонай іші і іншыя гродзенцы, аднак іх прыцягнулі да адміністрацыйнай, а не крымінальнай адказнасці.
Па арт. 364 КК адвакат лічыць магчымым запытаць мінімальнае пакаранне без пазбаўлення волі. Адвакат звярнуў увагу на матыў, у якім адсутнічала непавага да супрацоўніка міліцыі. Ён прасіў выключыць са справы факт пагрозы прымянення гвалту — так трактавалі замахванне нагой. Таксама абарона прасіла ўлічыць станоўчыя характарыстыкі з мінулага месца працы, спортклуба і Гродзенскай епархіі, і ўзрост Юзэфа.
Пазоў аб кампенсацыі маральнай шкоды адвакат прасіў не задавальняць. На яго думку, сума ў 1000 рублёў не адпавядае характару пакут. Да справы прыклалі даведку аб памерах пенсіі Юзэфа Немеры. Яна складае 465 рублёў.
— Злачыннага намеру не было. Я яго (супрацоўніка органаў унутраных спраў - Hrodna.life) не ведаю, ён мяне не ведае. Чым я кіраваўся? Сумленне маё запрацівілася.< … > Я ўдарыў і крыкнуў «Адпусьці!», — яшчэ раз падкрэсліў Юзэф Немера.
«Было неприятно перед коллегами». 63-летнего гродненца начали судить за пинок в бедро милиционеру
У Гродне ацэняць папуляцыю чаек на 14 жылых дамах. На падставе атрыманых дадзеных скажуць, ці…
У Гродне запланавалі бягучы рамонт авальнай залы ў Новым замку. Работы завершаць да канца снежня.…
У Гродзенскім дзяржаўным універсітэце ім. Янкі Купалы месцы ёсць для 82,1% тых, каму яны патрэбны,…
Турыстка прыехала ў Гродна і хацела сфатаграфавацца на фоне вядомай гродзенскай фотазоны - гродзенскага ўніверсітэта,…
Гродзенскі гарадскі выканаўчы камітэт вызначыў месцы, дзе ў Гродне забаронена збіраць подпісы выбаршчыкаў за вылучэнне…
Карціну з выявай помніка Антонію Тызенгаўзу ў гродзенскім Фарным касцёле выставілі на польскі аукцыён Onebid.…