Тайм-кафэ "партал". Фота: Алена Кавальчук
Тайм-кафэ «Партал» у Гродне закрыецца 7 лістапада — Унітарнае жыллёвае рамонтна-эксплуатацыйнае прадпрыемства (УЖРЭП) скасавала з уладальнікамі дагавор арэнды. У пятніцу 6 лістапада «Партал» зладзіць развітальную начную гульнятэку.
— У нас дзяржаўная арэнда і дамова з УЖРЭПам. За час вясновага каранціну назапасіўся абавязак перад гэтай арганізацыяй. Мы гасілі гэты доўг, да 26 кастрычніка усё было ў рамках дамоўленасцей. Сёння стала вядома, што дамова скасоўваецца. Да 7 лістапада трэба цалкам вызваліць памяшканне і вывезці ўсе рэчы, — напісалі ўладальнікі ў сацсетках 5 лістапада.
Тайм-кафэ «Партал» — гэта незалежная пляцоўка ў цэнтры Гародні з ўтульнай атмасферай, гарбатай, печывам і культурнымі праектамі. З 2015 года тут правялі больш за 2000 мерапрыемстваў. Тут ладзілі гульнятэкі, кінапрагляды, лекцыі, семінары, трэнінгі. Былі супольнасці аматараў настольных гульняў «Magic: The Gathering» і маджонг. Установа падтрымлівала шмат культурных і сацыяльных ініцыятыў, напрыклад, «Жывая Бібліятэка», «Актыўным Быць Файна», «Sketch Day».
Уладальнік тайм-кафэ Іван Петушок у бліжэйшай будучыні не плануе адкрыць установу на новай пляцоўцы.
Прыходзьце 6 лістапада на развітальную начную гульнятэку ў тайм-кафэ — уваход за ахвяраванне. Таксама «Партал» у Instagram пачаў распрадаваць і раздаваць рэчы, якія ім неабходна вывезці да 7 лістапада, — магчыма, вам нешта спатрэбіцца.
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…
Байкеры выявілі ў Пышках дрот, нацягнуты на ўзроўні шыі. Відэа яны размясцілі ў TikTok. "Вось…