У Беларусі стартуе валанцёрскі рух #яанлайн. Яго мэта — адкрыць максімум магчымасцей мабільнага інтэрнэта для людзей, якія толькі пачынаюць рабіць першыя крокі ў гэтым напрамку. Далучыцца да праекта можа кожны, хто хацеў бы навучыць сваякоў і сяброў разбірацца ў сучасных тэхналогіях. Ініцыятарам стварэння руху выступіла кампанія А1.
Валанцёрам можа стаць любы чалавек і абонент любога мабільнага аператара. Галоўнае, каб ён сам актыўна карыстаўся мабільнымі тэхналогіямі і жадаў бязвыплатна дзяліцца сваімі ведамі з іншымі.
Для ўдзелу ў праекце #яанлайн неабходна знайсці ў сваім акружэнні чалавека, які хоча навучыцца карыстацца мабільным інтэрнэтам. А затым прайсці рэгістрацыю на сайце. Зрабіць гэта можна ў любы час, паколькі прает бестэрміновы.
Задача валанцёра — растлумачыць, для чаго можа быць карысны мабільны інтэрнэт і колькі часу здольны сберагчы. Як аплачваць рахункі анлайн і не стаяць у чэргах, шукаць патрэбную інфармацыю і ўсталёўваць мабільныя праграмы, заказваць лекі і іншыя тавары, сазваньвацца па відэасувязі з роднымі і сябрамі - многім людзям ўсё яшчэ складана самастойна ў гэтым разабрацца. Каб дапамагчы ім, і створаны рух #яанлайн.
Рэгістрацыя на афіцыйным сайце дае валанцёру бонус — магчымасць перавесці 1 ГБ бясплатнага інтэрнэта абаненту, якога ён плануе навучаць. Нумар тэлефона валанцёра не можа супадаць з нумарам атрымальніка трафіка. Затым на нумар навучэнца праекта #яанлайн прыйдзе SMS-паведамленне з просьбай актывіраваць бонус: для гэтага трэба набраць USSD-запыт *173# і націснуць кнопку «Выклік». Бонус будзе налічаны на працягу 24 гадзін і сапраўдны на працягу 30 дзён. Па сканчэнні гэтага тэрміну трафік згарае.
Валанцёр можа скарыстацца бонусам толькі адзін раз і залічыць яго толькі на нумар абанента А1 — абаненту іншага аператара трэба перайсці на які-небудзь з тарыфных планаў А1 ці прайсці навучанне, не выкарыстоўваючы бонусны трафік.У дапамогу валанцёрам запушчаны тэлеграм-канал. Яго віртуальны вядучы Ян ужо навучыў карыстацца мабільным інтэрнэтам сваіх блізкіх і цяпер гатовы дапамагаць валанцёрам праекта парадамі аб тым, як палегчыць навічкам знаёмства са светам сучасных тэхналогій. Акрамя таго, падрабязную інфармацыю пра рух #яанлайн, карысныя інструкцыі і парады для валанцёраў можна знайсці на сайце праекта.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…