Мітрапаліт Мінскі і Заслаўскі Веніямін наведаў Гродна ўпершыню ў новым статусе. Ён выказаўся пра недапушчэнне расколу ў праваслаўнай царкве і забараніў збіраць подпісы і супраць архіепіскапа Арцемія, і супраць матушкі Гаўрыілы.
«Хочам, калі Уладыка мяне падтрымае, каб Гродзенская епархія была лепшай епархіяй у рускай праваслаўнай царкве. Ніякіх подпісаў не збіраць! Ні ў які бок», — сказаў мітрапаліт Веніямін вернікам пасля службы ў Свята-Пакроўскім кафедральным саборы. «Ніякіх подпісаў, проціпастаўленняў, толькі разам, у міры».
У Гародні мітрапаліт сустрэўся з архіепіскапам Гродзенскім і Ваўкавыскім Арцеміем 21 верасня ў Гродзенскім епархіяльным упраўленні. На сустрэчы абмеркавалі «бягучыя пытанні», прысутнічалі таксама Гродзенскай акругі пратаіерэй Аляксандр Велісейчык і настаяцель Пакроўскага кафедральнага сабора Георгій Рой, піша church.by.
У гэты ж дзень мітрапаліт Веніямін разам з архіепіскапам Навагрудскім і Слонімскім Гурыем правёў службу ў Гродзенскім свята-Раства-Багародзічным стаўрапагіяльным (падпарадкоўваецца непасрэдна мітрапаліту) жаночым манастыры і пагутарыў з прыхаджанамі.
Таксама 21 верасня мітрапаліт Веніямін сустрэўся са старшынёй Гродзенскага аблвыканкама Уладзімірам Каранікам.
Настаяцельніцай Раства-Багародзічнага жаночага манастыра ў Гродне з’яўляецца матушка Гаўрыіла (Глухава). 17 верасня яна рэзка выказалася аб пратэстоўцах на праўладным жаночым форуме «За Беларусь» у Менску, назваўшы іх вар’ятамі і «раз'юшаным статкам». Таксама яна параўнала пратэстуючых беларусаў з сектантамі.
Отец Сергий Лепин: не надо вменять мнение матушки Гавриилы на провластном женском форуме всей БПЦ
21 верасня стала вядома, што на набажэнстве ў выхадныя ў жаночым манастыры збіралі подпісы за адхіленне ад пасады архіепіскапа Арцемія. Пасля выбараў ён у заявах і казаннях не раз крытыкаваў жорсткасць сілавікоў і ўлады.
Подпісы збірала не сама матушка, а Андрэй Лабаноўскі, які прадстаўляўся як кіраўнік Свята-Уладзімірскага брацтва, піша канал, чый сайт прызнаны ў Беларусі экстрэмісцкім. У звароце да Веніяміну было напісана, што пад кіраўніцтвам Арцемія ў Гродне нібыта распаўсюджваюцца «нацыяналістычныя ідэі, заснаваныя на русафобіі», вітаюцца людзі, якія «карыстаюцца сімволікай нацысцкіх калабарацыяністаў», насаджаецца беларуская мова і гімн «Магутны Божа», Арцемія таксама папракаюць тым, што ён нібыта выціскае прарасейскіх святароў ды «ігнаруе казацтва».
20 верасня ў інтэрнэце з’явілася петыцыя «Разабрацца ў сітуацыі з ігуменняй Гаўрыілай». Зварот таксама накіраваны мітрапаліта Веньяміну. Там не было патрабавання зняць ігуменню Гаўрылу з пасады, але ішла гаворка аб неабходнасці прабачэння перад вернікамі і грамадзянамі з яе боку.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…