Студэнтаў, якія ўдзельнічалі 8 верасня ў мірнай акцыі ў галоўным корпусе Гродзенскага ўніверсітэта імя Янкі Купалы, масава выклікаюць у дэканат для напісання тлумачальнай на імя рэктара. Пра гэта паведамляе Telegram-канал ініцыятыўнай групы.
Акрамя гэтага студэнтаў і членаў ініцыятыўнай групы выклікаюць на раду прафілактыкі, які пройдзе заўтра, 10 верасня ў 09: 00 па адрасе: Ажэшка, 22 (аўд.209).
Раней рэктар Ірына Кітурка і старшыня Гродзенскага аблвыканкама Уладзімір Каранік абяцалі, што на студэнтаў не будзе аказвацца ціск па палітычных матывах.
Студэнты Гродзенскага ўніверсітэта імя Янкі Купалы пачалі падаваць заявы аб выхадзе з БРСМ і прафкама. Ва ўніверсітэцкай арганізацыі БРСМ адмаўляюць, што з’ява мае масавы характар. Але, як кажуць самі студэнты ГрДУ, ужо сотні маладых людзей з пачатку навучальнага года выйшлі або падалі заявы на выхад з БРСМ і прафсаюзнай арганізацыі.
