Штаб Віктара Бабарыкі, а потым і Святлана Ціханоўская, заклікалі старшыняў гарвыканкамаў выходзіць на плошчы гарадоў для размовы з людзьмі. Вечарам 13 жніўня мэр Жодзіна выйшаў да гараджан. Hrodna.life патэлефанаваў мэру Гродна Мечыславу Гою.
— Калі вы выйдзеце на размову з людзьмі?
— Сёння мы правялі сустрэчу не на закрытай пляцоўцы, было больш за 4000 чалавек. Мы размаўлялі каля «Гродна Азот», пад’ехалі гараджане.
— Але ў Гродне жывуць не толькі тысячы супрацоўнікаў «Азоту», але і сотні тысяч іншых гараджан. Як вы будзеце будаваць камунікацыю з імі?
— Шэраг пытанняў і прапаноў, што ў маіх кампетэнцыях, будуць выкананы. Паабяцаў начальнік УУС прайсціся па спісе [затрыманых — рэд.]. Сёння яшчэ быў шэраг пытанняў, звязаных з затрыманнямі, з дробным хуліганствам. Я думаю, мяне пачуюць, гэтых людзей адпусцяць. А там, дзе сапраўды былі баепрыпасы, дзе былі парушэнні, звязаныя ледзь не з крыміналам, там, вядома, гэтыя людзі будуць заставацца, пакуль Следчы камітэт і суд не дадуць ацэнку. Я папрашу ў старшыні аблвыканкама, каб УУС разгледзела ўсё яшчэ раз і людзей проста адпусцілі.
— Але калі вы ўсё ж такі плануеце выйсці на плошчу да ўсіх людзей?
— Пакуль не планую. Цяпер у мяне амаль 200 ціску, паеду ў шпіталь. А потым сустрэнемся абавязкова.
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…