Навіны

Гродзенскі Біг-Міні-фестываль вулічных мастацтваў пройдзе анлайн. Трансляцыя — на YouTube

31 ліпеня, а 20.00 пачнецца трансляцыя на YouTube 9-га «Біг-Міні-фестывалю вулічнага мастацтва». Праз пандэмію штогадовы гродзенскі фестываль пройдзе ў анлайн-фармаце.

А 20.00 на YouTube канале мерапрыемства пачнецца вяшчанне з цэнтра Гродна.

У праграме стрыму — выступы гродзенскіх акцёраў, музыкаў, артыстаў фаер-шоў, а таксама видэаўключэнні замежных гасцей з Ірландыі, Эстоніі, Украіны і Расіі і іншых краін.

Прадстаўнікі вулічнага мастацтва пакажуць найлепшыя выступы і раскажуць гледачам пра сваю творчасць.

Глядзець трансляцыю — тут

— У гэтым годзе мы як ніколі паспрабуем ажывіць успаміны гродзенцаў пра гэтую яркую і вялікую падзею, — кажа галоўная рэжысёрка фестывалю Анастасія Роўба. — Такі фармат працы для нас зусім новы, аднак мы вырашылі рызыкнуць і адкрыць «Біг-Міні-фестываль» з іншага боку. У нас нарэшце з’явілася магчымасць пагаварыць з удзельнікамі, пачуць пытанні ад гледачоў і ўбачыць творчасць выканаўцаў з далёкіх краін. Вельмі спадзяемся, што гродзенцы змогуць далучыцца да нас у гэты пятнічны вечар і атрымаць задавальненне ад прагляду.

Тое, што фестываль будзе праходзіць у нязвыклым фармаце, арганізатары вырашылі яшчэ ў красавіку. Адмяняць яго не хацелі як мінімум для таго, каб не адсоўваць набліжэнне 10-га юбілейнага фестывалю.

За гады існавання фестываль з аматарскай студэнцкай тусоўкі, зробленай зусім без досведу і профільнай адукацыі, перарос у міжнароднае свята з сотнямі ўдзельнікаў і тысячамі гасцей і гледачоў.

Чытайце таксама: Ад тусоўкі для сваіх да міжнароднага свята: як з’явіўся і сышоў у анлайн фестываль вулічнага мастацтва ў Гродне

Падзяліцца

Апошнія запісы

Міліцыя Гродна склала спісы фанатаў і «дэструктыўна настроеных»

У АУС Гродна сфармавалі спісы найбольш актыўных футбольных заўзятараў і "дэструктыўна настроеных грамадзян". Туды ўвайшло…

18 красавіка 2025

Новая амбулаторыя, фантаны і гарадскі забег. Што будзе на 1 траўня ў Гродне (праграма)

Да 1 траўня ў Гродне адкрыюць амбулаторыю ў Грандзічах, уключаць фантаны. Само свята пачнецца з…

18 красавіка 2025

У 2024 годзе ў Гродне за распаўсюд экстрэмісцкіх матэрыялаў пакаралі 4 непаўналетніх

Сілавікі знайшлі чатырох непаўналетніх у Гродне і вобласці, якія распаўсюджвалі экстрэмісцкія матэрыялы. Пра гэта напісана…

18 красавіка 2025

На «Гродна Азот» часта спрацоўвае пажарная сігналізацыя — датчыкі ненадзейныя

На "Гродна Азот" усё часцей спрацоўвае пажарная сігналізацыя - у параўнанні з першым кварталам мінулага…

18 красавіка 2025

Для рэйсаў Гродна—Мінск закупілі кітайскіх аўтобусаў на $ 1,5 млн. Яны заменяць многія маршруткі

З 21 красавіка на маршруце Гродна-Мінск большасць маршрутак заменяць кітайскімі аўтобусамі Zhong Tong. Транспарт закуплялі…

17 красавіка 2025

Літва забараніла перасякаць мяжу на матацыклах і мапедах — іх стала занадта шмат

Зараз праз памежныя пераходы ў Мядзінінкай (з беларускага боку Каменны Лог) і Шальчынінкай (Беняконі) можна…

16 красавіка 2025