Кандыдат у прэзідэнты Андрэй Дзмітрыеў заявіў журналістам 30 ліпеня пасля выхаду з экстраннага пасяджэння Цэнтрвыбаркама, што не выключана абмежавання інтэрнэту ў краіне, піша «Наша Н**а».
«Я пацікавіўся ў дзяржсакратара Раўкова пра магчымае абмежаванне інтэрнэту. Мне быў дадзены адказ, што ў выпадку, калі яны палічаць, што адтуль зыходзіць прамая пагроза бяспецы краіны, то такога кроку не выключаюць, адключыць інтэрнэт», — сказаў Андрэй Дзмітрыеў.
Напярэдадні першы намеснік МУС Беларусі Генадзь Казакевіч на тэлеканале «Беларусь-1» заявіў, што інтэрнэт стаў часткай паліттэхналогіі, піша канал, чый сайт прызнаны ў Беларусі экстрэмісцкім.
«…Альбо тэхналогіяй „каляровых рэвалюцый“. Галоўную небяспеку прадстаўляюць не самыя камунікацыі, а людзі, якія за гэтым стаяць. Якія арганізуюць, накіроўваюць, прыцягваюць і штучна ствараюць пратэставую масу і сацыяльна-палітэчны напружанне, якое насамрэч не існуе».
«Ланцугі салідарнасці» ў чэрвені і ліпені Казакевіч назваў несанкцыянаванымі. Акцыі, паводле яго, былі ініцыяваныя цягам некалькіх гадзінаў у сацыяльных сетках і з-за мяжы.
Казакевіч дадаў, што адміністратары Telegram-каналаў нясуць персанальную адказнасць за дзеянні ў сетках.
Крама “Власть кофе” абяцае шырокі асартымент абсмажанай кавы з розных куткоў свету - Лацінскай Амерыкі,…
У рэстаране “Бекон” будуць спалучаць амерыканскую і паназіяцкую кухню. Там будзе адкрытая кухня - можна…
Малюнак гродзенскага каралеўскага палаца, які быццам бы стварыў невядомы аўтар у XVIII стагоддзі, набыў вялікую…
У сярэдзіне сакавіка на Замкавай, 11 адкрылася фотастудыя Retreat. У студыі ёсць некалькі працоўных зон…
Гатэль «Кронон Парк Гатэль», размешчаны ў лесапарку Пышкі ў Гродне, атрымаў прэмію Travel Time Awards…
У 2024 годзе бацькоўскіх правоў у Беларусі былі пазбаўлены бацькі 3 955 дзяцей. Гэта найбольшая колькасць…