ЦВК накіраваў рэкамендацыі ўчастковым камісіям з графікамі прысутнасці назіральнікаў: для перыяду датэрміновага галасавання і для дня выбараў.
У графіку для датэрміновага галасавання кожны з дзён галасавання
дзеліцца на два перыяды: з 10.00 да 14.00 і з 16.00 да 19.00. Дзень выбараў 9 жніўня дзеліцца на перыяды: з 8.00 да 15.00 і з 15.00 да заканчэння падліку галасоў.
Тром першым у спісе акрэдытаваных назіральнікаў дадуць магчымасць выбраць дату і перыяд (даты і перыяды) назірання. Астатнія даты і перыяды прапануюцца наступным назіральнікам.
Парадак прымяняецца на ўчастках для галасавання, дзе колькасць акрэдытаваных назіральнікаў перавышае квоты, устаноўленыя Цэнтральнай камісіяй.
На пасяджэнні Цэнтральнай выбарчай камісіі 22 ліпеня Лідзія Ярмошына, спаслаўшыся на складаную эпідэміялагічную абстаноўку, прапанавала паменшыць колькасць назіральнікаў на ўчастках да пяці ў асноўным дзень і да трох — у дні датэрміновага галасавання. Рашэнне прынялі аднагалосна.
«Праваабаронцы за свабодныя выбары» паведамілі r**yja.com, што ў такім выпадку не можа ісці гаворкі аб незалежным назіранні. Гэта першы такі выпадак за дваццаць гадоў назірання.
— ЦВК устанавіла графік прысутнасці назіральнікаў на выбарчых участках. Ён носіць рэкамендацыйны характар. Ярмошына тлумачыць, што гэта выклікана інтарэсамі бяспекі членаў камісій і гэта супрацьэпідэміялагічныя меры. Як будуць складаць графік? Хто першы трапіў у гэтую выбарчую камісію за ноч, хто першы, той Лепшы, — сказаў Раман Юргель.
Паводле афіцыйных звестак Міністэрства аховы здароўя, па стане на 11 лютага ў Беларусі пацверджана 263 551 выпадак каранавіруса (1692 за апошнія суткі), ачунялі і выпісаны 252 068 (1990 за апошнія суткі) пацыентаў, памёрлі 1820 чалавек (9 за апошнія суткі).
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…