Уличный музыкант Александр Зимин играет на пианино
11 ліпеня на вуліцы Савецкай ля кавярні «Джезва» усталявалі «вулічнае піяніна». Сыграць на музычным інструменце можа любы ахвотны.
Піяніна ў цэнтры горада з’явілася дзякуючы вулічнаму музыканту Аляксандру Зіміну. Ён хоча, каб «вулічных піяніна» у Гродне стала яшчэ больш, а ідэя стала гарадскім праектам. Першы музычны інструмент ён усталяваў на летняй пляцоўцы кавярні «Джезва». Гэта ўласнае піяніна музыканта.
«Мой праект называецца „вулічныя піяніна Гродна“. Гэта такі падарунак гораду. У планах ўсталяваць некалькі інструментаў у цэнтры, хочацца яго зрабіць больш прывабным для турыстаў і гараджан», — распавёў Hrodna.life Аляксандр.
Другое піяніна музыка хоча ўсталяваць на тэрыторыі чыгуначнага вакзалу. Зараз Зімін вядзе перамовы з Міністэрствам транспарту і кіраўніцтвам вакзала ў Гродне.
Вулічны музыкант Аляксандр Зімін вядомы ў горадзе ігрою на хэндпане. З гэтым інструментам ён выступае на Савецкай ужо некалькі гадоў. Падчас пандэміі Аляксандр уладкаваўся дворнікам у дзіцячую бальніцу.
У многіх гарадах Еўропы ўстаноўлены вулічныя піяніна, дзе можа іграць кожны ахвотны.
Напрыклад, у Санкт-Пецярбургу таксама ёсць некалькі грамадскіх піяніна. Днём і ноччу пецярбужцы ладзілі фартэпіянныя канцэрты і танцы ў стылі бугі-вугі. Некаторыя жыхары былі незадаволеныя выступамі і адзін з інструментаў залілі цэментам.
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…