Фота: pixabay.com
У Беларусі на 15 ліпеня зарэгістраваныя 65 443 (+174) чалавека са станоўчым тэстам на COVID-19, паведамляе Міністэрства аховы здароўя.
Ачунялі і выпісаныя 56 379 (+580) пацыентаў, памерлі — 480 (+6).
Усяго праведзена 1 151 734 тэсту.
Міністэрства аховы здароўя распрацавала рэкамендацыі для прадухілення распаўсюджвання рэспіраторных інфекцый, у тым ліку COVID-19, пры правядзенні галасавання на выбарах-2020.
Да працы ўчастковай камісіі дапусцяць членаў без прыкмет рэспіраторнай інфекцыі. Аб стане здароўя будуць пытацца. Яны будуць у сродках абароны — масцы, пальчатках, па магчымасці са шчытком для твару, а таксама будуць апрацоўваць рукі і паверхні дэзенфікуючымі сродкамі. Сродкі для дэзінфекцыі размесцяць у калідорах і фае і будуць рэгулярна іх запраўляць.
Членаў участковай камісіі, назіральнікаў і выбаршчыкаў рассадзяць з улікам сацыяльнага дыстанцыявання. Патокі людзей, якія ўваходзяць і выходзяць, падзеляць, выкарыстоўваючы ўказальнікі на падлозе, дзвярах або сценах.
Выбаршчыкам парэкамендуюць прыходзіць на ўчастак у масках і пальчатках і выкарыстоўваць іх пры галасаванні дома. Аднак па просьбе члена камісіі маску прыйдзецца пасунуць, каб выбаршчыка ідэнтыфікавалі.
Дакумент, які пацвярджае асобу, трэба будзе паказаць у разгорнутым выглядзе без перадачы ў рукі члену ўчастковай камісіі. Рэкамендуюць прыносіць з сабой ўласныя ручкі. Ручкі ў камісіі будуць апрацоўваць антысептыкам пасля кожнага выбаршчыка.
Таксама будуць апрацоўваць не радзей шасці раз у дзень дзвярныя ручкі, парэнчы, паверхні ў кабінах для галасавання, сталоў і іншых паверхняў. У дні датэрміновага галасавання прыбіраць памяшканні будуць падчас перапынку з 14 да 16 гадзін. Дзверы ў памяшканне для галасавання і іншыя памяшканні, праз якія перамяшчаюцца выбаршчыкі, будуць трымаць адкрытымі. Памяшканне будуць рэгулярна праветрываць.
Пасля завяршэння галасавання скрыню для галасавання апрацуюць звонку дэзінфікуючым сродкам. Пры арганізацыі галасавання па месцы знаходжання скрыню апрацуюць пасля наведвання кожнага выбаршчыка. Па месцы знаходжання галасаваць будуць, не ўваходзячы ў жылое памяшканне і з захаваннем сацыяльнага дыстанцыявання.
Будынак былой камендатуры (палац Чацвярцінскіх) у парку Жылібера набыў канчатковыя рысы пасля абнаўлення. Праўда, новы…
Гродзенцы скардзяцца, што пракаціцца на веласіпедзе ці роліках па веладарожцы ў Пышках праблематычна. Прычына ў…
Гродзенка Вікторыя паскардзілася ў Threads, што запісацца на прыём да мясцовых артадонтаў амаль немагчыма. Пра…
Сілавікі прыйшлі да маці журналіста і блогера Валерыя Руселіка ўвечары 9 красавіка. Яны былі ў…
Валянцін Байко, намеснік дырэктара па развіцці «Контэ Спа», і яго брат, Дзмітрый Байко, намеснік дырэктара…
Grodno Coffee Festival пройдзе ў Гродне з 15 па 29 красавіка. У фестывалі возьмуць удзел…