У Беларусі 155 новых выпадкаў каранавіруса і 6 смерцяў. Вакцына можа з’явіцца ўжо да канца лета

Па стане на 14 ліпеня каранавірусам заразіліся 65 269 беларусаў, паведамляе Міністэрства аховы здароўя. Ачунялі і выпісаныя 55 799 пацыентаў, 474 чалавекі з пацверджаным COVID-19 памерлі.

За апошнія суткі ў Беларусі выявілі 155 новых выпадкаў, паводле афіцыйных звестак, памерлі 6 чалавек, 307 пацыентаў ачунялі.

За перыяд распаўсюджвання каранавіруса ў Беларусі правялі 1 144 696 тэстаў. За апошнія суткі было зроблена 3116 тэстаў.

Чакаем вакцыну?

Фармацэўтычныя кампаніі ЗША плануюць пачаць вытворчасць вакцыны ад каранавіруса да канца лета, піша T*T.BY са спасылкай на Reuters.

Па словах крыніцы выдання ў адміністрацыі Дональда Трампа, матэрыялы для вакцыны пачнуць вырабляць, «верагодна, праз чатыры-шэсць тыдняў». Клінічныя выпрабаванні тэрапеўтычных прэпаратаў супраць каранавіруснай інфекцыі могуць даць вынікі працягам некалькіх тыдняў, што дазволіць выпускаць сотні тысяч дозаў да восені.

Адміністрацыя Трампа фінансавала распрацоўку чатырох вакцын супраць COVID-19. Плануецца, што ў ЗША выпусцяць 300 мільёнаў дозаў вакцын да канца 2021 года.

Раней 13 чэрвеня 20 добраахвотнікаў, якія ўдзельнічаюць у выпрабаваннях расійскай вакцыны ад каранавіруса, ўвялі другі кампанент прэпарата. Вакцынацыя праходзіць па так званай бустэрнай схеме, калі добраахвотнікам двойчы ўводзяць адзін і той жа ген на розных носьбітах.

Выпрабаванні расійскай вакцыны праводзіць Мінабароны сумесна з Нацыянальным даследчым цэнтрам эпідэміялогіі і мікрабіялогіі ім. Н. Ф. Гамалііл. Добраахвотнікі вакцынацыі адчуваюць сябе добра.

Як паведаміў дырэктар цэнтра ім. Гамалііл Аляксандр Гинцбург, вакцыну ад каранавіруса могуць дазволіць выкарыстоўваць у медыцынскіх установах да сярэдзіне жніўня.