Затрыманы 3 ліпеня ў Мастах Аляксандр Мілюк знаходзіцца зараз у шпіталі. Актывіст ініцыятыўнай групы Святланы Ціханоўскай захварэў на каранавірус. Пакуль невядома, ці міліцыя складала нейкі пратакол у дачыненні да Мілюка, паведамляюць праваабаронцы.
Сябра ініцыятыўнай группы Святланы Ціханоўскай Аляксандр Мілюк з Мастоў вяртаўся 3 ліпеня дадому з сынам. На відэа, якое здымаў сам Аляксандр, бачна, што да яго падышоў мужчына і пачаў патрабаваць грошы, штурхаць Аляксандра Мілюка і нецэнзурна выказвацца ў яго адрас. Хутка пад’ехала міліцыя і затрымала і мужчыну, і Аляксандра.
Міліцыя паведаміла Hrodna.life, што супрацоўнікі ДАІ Мастоўскага РАУС убачылі рукапрыкладства і для разбору абодва грамадзяніна былі дастаўлены ў Мастоўскі РАУС. У дачыненні да іх распачаты адміністрацыйны працэс па артыкуле 17.1 КоАП Рэспублікі Беларусь — «Дробнае хуліганства».
Актывісты пазналі нападніка. Гэта Валянцін Журоўскі з вёскі Пескі. Праваабаронцы ацэньваюць дзеянні мужчыны, які патрабаваў грошы і лаяўся, як правакацыю. 3-га ліпеня па Беларусі затрымалі 17 чалавек.
Пасля затрымання Мілюку стала кепска, міліцыя хацела завезці яго ў ізалятар, але выкліканыя лекары не дазволілі гэта зрабіць. У шпіталі зрабілі два тэсты на COVID, абодва далі станоўчы вынік.
Аляксандр Мілюк дапускае, што ён мог заразіцца 26 чэрвеня, калі яго таксама затрымала міліцыя. Тады яго прымусова завезлі ў шпіталь на медагляд. Ён быў бяз маскі.
У жонкі Мілюка таксама ўзнялася тэмпэратура і ёсць сімптомы каранавірусу. Вынікаў яе тэсту пакуль няма.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…