Загрузка паліва на Беларускай атамнай электрастанцыі пад Астраўцом пачнецца ў жніўні. Пра гэта паведаміў БелТА пасол Беларусі ў Расіі Уладзімір Сямашка.
«Мы лічым, што ў жніўні прыступім да загрузкі на першы рэактар паліва, — сказаў Сямашка. — І далей пойдзе фізічны, а затым энергетычны пуск. Стаіць задача ў 2021 годзе (у першым квартале, па меншай меры) цалкам запусціць у прамысловую эксплуатацыю першы энергаблок «.
Фізічны пуск першага энергаблока БелАЭС прызначаўся на ліпень 2020 года, а энергетычны — на верасень-кастрычнік 2020 года. Пра гэта распавёў міністр энергетыкі Беларусі Віктар Каранкевіч, піша Onliner.
