Чытач Hrodna.life Антон даслаў у рэдакцыю відэа, якое ён зняў з дрона пасля паведамлення аб масавым моры рыбы ў Нёмане. Гродзенец не верыць у афіцыйную версію (высокая тэмпература вады і недахоп кіслароду) і мяркуе, што масляністыя плямы ў рацэ могуць быць адной з прычын атручвання рыбы.
Гродзенскія рыбакі 13 чэрвеня паведамілі пра масавы мор рыбы ў Нёмане. Яны называюць здарэнне «экалагічнай катастрофай» і пішуць пра магчымае трапленне ў ваду атрутных рэчываў. Мёртвая рыба стала з’яўляцца вечарам 12 чэрвеня, да раніцы наступнага дня яе стала больш. Рыбакі паведамляюць, што бачылі на Нёмане сінія плямы.
Антон здымаў відэа 15 чэрвеня. У знятым матэрыялt ён убачыў вялікія плямы на рацэ і вырашыў адправіць кадры ў рэдакцыю Hrodna.life.
«Зняў відэа выпадкова, калі пралятаў над Нёманам. Пра мор рыбы чуў. На кадрах плямы — алеістага рэчыва ў Нёмане хапала. Я не эксперт у галіне атручвання рыб, але даверу афіцыйнай інфармацыі нуль».
Паводле папярэдніх дадзеных, рыба ў Нёмане загінула з-за высокай тэмпературы вады і недахопу кіслароду. Але хімічныя даследаванні ўсё яшчэ праводзяцца.
18 чэрвеня ў Гродна прыехаў міністр прыродных рэсурсаў і навакольнага асяроддзя Андрэй Худык. У планах у яго наведаць ГЭС і даследаваць Нёман уверх па плыні, а таксама пачуць вынікі праверак.
Чытайце таксама: Гродненец попросил Администрацию президента проверить мор рыбы в Немане
17 чэрвеня ў Літве апублікавалі першыя вынікі пробаў вады з Нёмана. Павышанага забруджвання вады ў рацэ не зафіксавана. Канчатковыя вынікі па таксічнасці, цяжкім металам, лятучым арганічным злучэнням будуць атрыманы на наступным тыдні.
Для далейшых аналізаў дадатковыя кантрольныя ўзоры вады возьмуць 18 і 22 чэрвеня ў Друскінінкаі і Алітусе.
Літва дашле ў Беларусь ноту, дзе спытае, ці была рака забруджаная. Нота будзе перададзена Міністэрству замежных спраў для адпраўкі ў Беларусь па дыпламатычным канале.
У Гродне ацэняць папуляцыю чаек на 14 жылых дамах. На падставе атрыманых дадзеных скажуць, ці…
У Гродне запланавалі бягучы рамонт авальнай залы ў Новым замку. Работы завершаць да канца снежня.…
У Гродзенскім дзяржаўным універсітэце ім. Янкі Купалы месцы ёсць для 82,1% тых, каму яны патрэбны,…
Турыстка прыехала ў Гродна і хацела сфатаграфавацца на фоне вядомай гродзенскай фотазоны - гродзенскага ўніверсітэта,…
Гродзенскі гарадскі выканаўчы камітэт вызначыў месцы, дзе ў Гродне забаронена збіраць подпісы выбаршчыкаў за вылучэнне…
Карціну з выявай помніка Антонію Тызенгаўзу ў гродзенскім Фарным касцёле выставілі на польскі аукцыён Onebid.…