У Гродне затрымалі Мікалая Саляніка. Спіс зняволеных

У Гродне з раніцы 30 траўня затрымалі грамадскага актывіста Мікалая Саляніка, піша harodniaspring.org. Агулам затрымана блізу 15 чалавек.

Гродзенскі актывіст і перформер Мікалай Салянік пайшоў ва ўпраўленне УС аблвыканкаму даведацца, дзе знаходзяцца затрыманыя напярэдадні блогер Сяргей Ціханоўскі і яго паплечнікі. Мікалаю Саляніку сказалі, што супраць яго (Саляніка) вядзецца адміністрацыйная справа, пасля чаго актывіста затрымалі і пасадзілі у бус. Калі і ў якім месцы адбудзецца суд над Салянікам — невядома. Праз тэлефон Салянік не адказвае.

Спіс тых, каго таксама затрымалі ў Гродне 29 і 30 траўня пасля пікету па зборы подпісаў за кандыдатку ў прэзідэнты Святлану Ціханоўскую, апублікаваў праваабарончы цэнтр «Вясна»:

• Ціханоўскі Сяргей;
• Салянік Мікалай;
• Фурманаў Зміцер;
• Рэзнічэнка Яўген;
• Джыоеў Руслан;
• Бакіноўскі Станіслаў - яму стала дрэнна пасля затрымання, таму яго адвезлі ў кардыялагічны дыспансер. Па стане на 10.30 30 траўня ён знаходзіцца там. За ім сочыць міліцыя;
• Аляксандр — кіроўца з каманды Ціханоўскага (прозвішча высвятляецца);
• Сяргей — таксама з каманды Ціханоўскага (прозвішча высвятляецца);
• Ушак Вергілій — аператар з каманды Ціханоўскага. Сваякам адмаўляюцца казаць, дзе ён знаходзіцца;
• Рудзянкоў Дзмітрый;
• Мікалай з Мінска (прыехаў на маршрутцы ў Гродна, затрыманы ў 3 гадзіны ночы);
• Аляксей з Гомеля (кіроўца буса citroen, затрыманы ў 3 надзіны ночы));
• яшчэ як мінімум 3 чалавекі.

Чытайце таксама:
«Я быў закаханы ў Лукашэнку — цяпер яго ненавіджу». Гродзенец распавёў, як затрымлівалі яго сына

Затрыманне Ціханоўскага і «напад на міліцыянта» ў Гродне: разбіраем відэа з месца падзей