Памерлі 179 пацыентаў - статыстыка Мінздрава. Якія штрафы атрымліваюць за парушэнне самаізаляцыі?

У Беларусі на 20 траўня зарэгістраваныя 32 426 чалавек са станоўчым тэстам на COVID-19.

Ачунялі і выпісаны 11 415 пацыентаў, якія памерлі 179 пацыентаў з выяўленай каранавіруснай інфекцыяй, паведамляе Міністэрства аховы здароўя.

Усяго праведзена 387 673 тэстаў.

Нядаўна Мастоўскі раённы суд аштрафаваў жыхара раёна за невыкананне правілаў паводзінаў у самаізаляцыі на 30 базавых велічынь, што складае 810 рублёў. Пастановы суда ў дачыненні да яшчэ шасцярых парушальнікаў рэжыму самаізаляцыі ўступяць у сілу на працягу бліжэйшых дзён.

Згодна з пастановай Савета Міністраў № 208 «Аб увядзенні абмежавальнага мерапрыемства» ад 8 красавіка 2020 года самаізаляцыі падлягаюць грамадзяне Рэспублікі Беларусь, замежныя грамадзяне і асобы без грамадзянства, якія маюць інфекцыю COVID-19 (хварэюць у лёгкай форме), кантакты першага і другога ўзроўняў, а таксама тыя, хто прыбыў з-за мяжы.

Якія штрафы ў Беларусі і ў суседзяў?

У Беларусі максімальная сума штрафу для тых, хто павінен быў знаходзіцца ў самаізаляцыі, але парушыў патрабаванні, складае 30 базавых велічынь — 810 рублёў, паведамляе ont.by.

У Расіі для грамадзян сума штрафу складзе ад 15 тысяч да 40 тысяч рублёў (450 — 1 332 беларускіх рублі); для службовых асоб — ад 50 тысяч да 150 тысяч рублёў (1 666 — 4 998 беларускіх рублёў) альбо прыпыненне дзейнасці на тры месяцы. Максімальная санкцыя для арганізацый — 500 тыс. руб (16 659.5 беларускіх рублёў), піша rbc.ru.

Ва Украіне за першае парушэнне заплацяць штраф у 17 000 грн (1 539 беларускіх рублёў); другое — штраф 34 000 грн (3078 беларускіх рублёў); за трэцяе прадугледжана крымінальная адказнасць, піша nv.ua.

У Польшчы тым, хто парушае каранцін, будзе пагражаць штраф у 30 тысяч злотых (каля 18 тысяч беларускіх рублёў), піша n*.by.

У Літве штрафы за парушэнне правілаў каранціну наступныя:

для фізічных асоб — ад 500 да 1500 еўра (1 318−3954 беларускіх рублёў);
для юрыдычных асоб — ад 1500 да 6000 еўра (3954 — 15 819 беларускіх рублё, паведамляе regnum.ru.

У Латвіі за парушэнне каранцінных абмежаванняў прадугледжваецца пакаранне ў памеры ад 10 да 2 000 еўра (26−5273 беларускіх рублёў) для фізічных асоб і ад 140 да 5000 еўра (369−13 182 беларускіх рублёў) — для юрыдычных асоб, паведамляе eadaily.com.