На вялікай паркоўцы за «Абухоўскім» магазінам цалкам заменяць асфальт. Працы пачнуцца адначасова з перакрыццем вуліцы Вялікая Траецкая для кладкі фінальнага асфальту, паведамляе «АвтоГродно».
Па падліках «АвтоГродно», у пікавыя гадзіны паркоўка змяшчае каля 150 легкавых аўтамабіляў. З-за адсутнасці разметкі, машыны могуць паркавацца ў некалькі шэрагаў, блакуючы адзін аднаму выезд. Цяперашняя рэканструкцыя паркоўкі будзе ўключаць у сябе і яе добраўпарадкаванне, магчыма, разметка тут таксама з’явіцца.
Верагодна, гэта пытанне часу. Ідэя аб спагнанні платы з’явілася ў 2017 годзе, адначасова пачалася распрацоўка праектнай дакументацыі. Чакалася, што ўсе грошы ад аплаты паркоўкі паступяць наўпрост у гарадскі бюджэт, а расходавацца будуць на добраўпарадкаванне горада, рамонт стаянак, пасадку кветак, прывядзенне ў парадак газонаў. Аднак ідэя не была рэалізаваная.
Праз тры гады, у пачатку 2020, зноў з’явілася інфармацыя аб тым, што паркоўку магчыма зробяць платнай. Зайшла гаворка аб тым, што ёй патрэбны гаспадар, які б адлічваў ў гарадскі бюджэт 70% выручкі ад абслугоўвання аўтаўладальнікаў. Але дэталёвых рашэнняў на гэты конт няма. Таму пакуль у адрамантаванай паркоўкі статус бясплатнай захаваецца.
Чакаецца, што на яе будуць заязджаць турыстычныя аўтобусы. Таму ў планах — будаўніцтва грамадскай прыбіральні і стварэнне ўсёй інфраструктуры, каб і турысты маглі там спыняцца, і гараджане, атрымаўшы адпаведны камфорт.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…