Каля 20 гродзенцаў увечары 6 мая сабраліся ў парку Жылібера ў падтрымку блогера Сяргея Ціханоўскага — аўтара канала «Страна для жизни». Яго ў той дзень затрымала міліцыя ў прыгарадзе Магілёва.
Блогер падчас затрымання вёў стрым. Ён паспеў папрасіць падпісчыкаў канала прыехаць на месца інцыдэнту і падтрымаць яго.
У Гродне падпісчыкі Ціханоўскага сабраліся ў парку Жылібера. Прыйшло каля 20 чалавек. За імі пільна сачылі каля дзясятка супрацоўнікаў міліцыі. Пасля гэтага гродзенцы вырашылі сабрацца ў іншым месцы.
«Сяргей Ціханоўскі робіць добрую справу, — распавядае Алена С. — Мы яго падтрымліваем і перажываем. Нам неабыякава, што з ім адбываецца. І сёння мы выйшлі ў Гродне ў знак салідарнасці, так робяць людзі па ўсёй Беларусі. Не паспелі мы сабрацца, як за намі пачалі сачыць супрацоўнікі міліцыі».
«Мы за салідарнасць, — распавядае грамадзянскі актывіст Мікалай Салянік. — Сабраліся, каб падтрымаць Сяргея. Мы яго падтрымліваем, паважаем, падтрымліваем яго палітыку. Ён сапраўдны патрыёт. Жадаем, каб яго хутчэй выпусцілі. Я думаю, цяпер будзе з кожным днём людзей усё больш выходзіць».
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…