Брусэль: Беларусь атрымае дапамогу ў барацьбе з COVID-19, калі будзе выконваць рэкамендацыі СААЗ

Грашовая дапамога Беларусі прызначана са сродкаў для праграмы падтрымкі ўдзельнікаў Усходняга партнёрства, але Беларусь просяць выконваць рэкамэндацыі Сусветнай арганізацыі аховы здароўя. Пра гэта сказаў Жузэп Барэль, высокі прадстаўнік ЕС у замежных справах і палітыцы бяспекі, у інтэрвью «Радыё С**бода».

Адказваючы на пытаньне, ці заява Аляксандра Лукашэнкі пра тое, што каранавірусная пандэмія зьяўляецца насамрэч «псыхозам», на адносіны Брусэлю зь Менскам, Барэль адзначыў:

«Не далей як на мінулым тыдні я размаўляў зь міністрам замежных спраў Беларусі, спадаром Макеем. І я падкрэсьліў, што сумесная праца ў рамках шматбаковай сыстэмы зьяўляецца найбольш эфэктыўным спосабам рэагаваньня на каранавірусны крызіс. І я таксама ведаю, што ўлады Беларусі ўжо цесна супрацоўнічаюць з Сусьветнай арганізацыяй здароўя, але таксама ведаю, што трэба больш. Такім чынам, я заклікаю ўлады Беларусі прытрымлівацца рэкамэндацый Сусьветнай арганізацыі здароўя адносна прадухіленьня пандэміі.

І каб дапамагчы ім, мы ўжо казалі пра нашу падтрымку, і ў гэтую падтрымку ўваходзіць больш за 60 мільёнаў [эўра] для сыстэмы аховы здароўя. Так што мы прыносім і прапануем дапамогу. Але зь іншага боку, мы просім прытрымлівацца рэкамэндацый Сусьветнай арганізацыі здароўя адносна пандэміі. Немагчыма, каб з аднаго боку прапанавалі дапамогу, [а з другога] не выконвалі рэкамэндацый, якія мы рэалізуем у нашых краінах і просім усіх выконваць".

21 красавіка намесьнік старшыні Эўрапейскай камісіі Жузэп Барэль паведаміў у размове зь міністрам замежных спраў Беларусі Ўладзімерам Макеем, што Беларусі прызначаецца больш за 60 млн эўраў са сродкаў, выдзеленых на праграмы двухбаковага супрацоўніцтва ў межах глябальнай праграмы падтрымкі ўдзельнікаў Усходняга партнэрства. Раней паведамлялася, што гэтыя грошы пойдуць на неадкладныя і сярэднетэрміновыя патрэбы: куплю аўтамабіляў хуткай дапамогі і рэсьпіратараў, а таксама на трансьмежныя праекты.

Якія рэкамендацыі просяць выканаць

Сусьветная арганізацыя здароўя (WHO) апублікавала рэзюмэ аб місіі ў Беларусі 8−11 красавіка. Ключавыя рэкамэндацыі для Беларусі ў сувязі з эпідэміяй COVID-19 засталіся амаль такімі ж, як раней, некаторыя былі дапоўненыя:

• перанесьці ўсе масавыя мерапрыемствы, у тым ліку спартовыя, культурныя, палітычныя (такога слова ў ранейшых рэкамэндацыях не было, ёсьць толькі ў расейскай, але не ангельскай вэрсіі)і рэлігійныя;
• забясьпечыць далейшую ізаляцыю і лячэньне пацыентаў з COVID-19 і ізаляцыю ва ўмовах карантыну тых, хто зь імі кантактаваў;
• укараніць (у ангельскай вэрсіі — «даць магчымасьць для») дыстанцыйную працу і дыстанцыйнае навучаньне;
• спыніць дзейнасьць усіх «другасных» (у ангельскай вэрсіі — «неабавязковых») арганізацыяў, прадпрыемстваў і суб’ектаў эканомікі і інш.

СААЗ: Беларусь на пераломным этапе, неадкладна патрэбныя новыя меры

Паводле афіцыйных звестак Міністэрства аховы здароўя, па стане на 11 лютага ў Беларусі пацверджана 263 551 выпадак каранавіруса (1692 за апошнія суткі), ачунялі і выпісаны 252 068 (1990 за апошнія суткі) пацыентаў, памёрлі 1820 чалавек (9 за апошнія суткі).