Работнікі Лідскай абутковай фабрыкі паведамілі onliner.by, што іх прадпрыемства закрыта на каранцін да 30 красавіка. Па іх словах, прычына ў тым, што шмат у каго з супрацоўнікаў знайшлі каранавірус, яны зараз у бальніцы, як і кіраўніцтва.
— Кажуць, 14 або 15 чалавек заражаныя. Асабіста я ведаю 10 супрацоўнікаў, у якіх дакладна ўзялі аналізы, шмат у каго аналізы пацвердзілі вірус, астатніх пратэставалі і адправілі на самаізаляцыю. У бальніцы, чула, ляжаць 9 чалавек. У нашых работніц многія мужы — дальнабойнікі, магчыма, яны гэта з паездак прывезлі. З абутковага інтэрната амаль кожны дзень забіраюць па адным-два чалавекі. Пацвердзіўся ў іх вірус, ці гэта проста ізаляцыя кантактаў, пакуль незразумела. Кіраўніцтва таксама ў бальніцы, фабрыка з 20-га чысла па 30-е на карантыне. Людзі там засталіся, напэўна, толькі на прахадной, — паведамілі журналістам.
Кіраўніца фабрыкі Тамара Ігнатовіч таксама шпіталізаваная. Яна адмовілася ўдакладняць, з якой прычыны.
— Я зараз у бальніцы, Гэтае асабістае. Усе павінны лячыцца — мы пад наглядам лекараў, у руках добрых спецыялістаў. Не мы першыя, не мы апошнія.
— Нам паведамляюць, што ў вас заражана каля 15 чалавек. Гэта праўда?
— Я гэтага не ведаю. Тыдзень таму ў нас афіцыйна было 3 чалавекі. Ва ўсіх у розны час бяруць тэсты, у кагосьці пацвярджаецца, у кагосьці не. Такая бягучая лічба. Фабрыка з сённяшняга дня да 30-га чысла на каранціне.
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…