У горадзенскім кардыялягічным цэнтры засіліўся пацыент. Сьледчы камітэт праводзіць праверку па факце сьмерці мужчыны, піша С**бода.
Паводле інфармацыі горадзенскага сайта s13, 68-гадовы мужчына павесіўся ноччу 19 красавіка ў палаце кардыялягічнага цэнтру. Яго знайшла санітарка. Гарадзенец паступіў у кардыяцэнтар з інфарктам больш за тыдзень таму. Пазьней у яго выявілі пнэўманію. 18 красавіка пацыента ізалявалі ў асобную палату і ўзялі ў яго мазок на COVID-19, вынікі якога яшчэ невядомыя.
У Сьледчым камітэце пацьвердзілі факт здарэньня. Як паведаміла БелаПАН афіцыйная прадстаўніца Сьледчага камітэту Горадзенскай вобласьці Іна Пазьняк, Горадзенскі міжраённы аддзел Сьледчага камітэту праводзіць праверку па факце сьмерці 68-гадовага мужчыны. Высьвятляюць усе абставіны таго, што адбылося. Паводле папярэдніх дадзеных, сьмерць ня мае крымінальнага характару. Прызначылі неабходныя экспэртныя дасьледаваньні.
Як паведамілі БелаПАН у горадзенскім кардыялягічным цэнтры, галоўнага лекара, які мог бы пацьвердзіць або абвергнуць здарэньне, пакуль няма на месцы.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…