Плюс 575 за суткі. У Беларусі зарэгістравана 4779 чалавек з каранавірусам

Па стане на 17.04.2020 у Беларусі зарэгістравана 4779 чалавек з наяўнасцю каранавіруснай інфекцыі. Ачунялі і выпісаны — 342 пацыента, паведамляе тэлеграм-канал Міністэрства аховы здароўя.

Памерлі 42 пацыентаў з шэрагам хранічных захворванняў з выяўленай каранавіруснай інфекцыяй.

Праведзена 86 тыс. 813 тэстаў на каранавірус. Для правядзення тэсціравання задзейнічана 24 лабараторыі, якія адкрыты як у рэспубліканскіх навукова-практычных цэнтрах і ў цэнтрах гігіены, эпідэміялогіі і грамадскага здароўя, так і ў прыватных медыцынскіх цэнтрах.

Заражаныя: 4779 (+575)

Ачунялі: 342

Памерлі: 42 (+2)

У Беларусь паступілі экспрэс-тэсты

Пробная партыя экспрэс-тэстаў на антыцелы да каранавіруса паступіла ў Беларусь 17 красавіка. Яны павінны прайсці апрабацыю, таму масавага выкарыстання іх не плануецца да атрымання вынікаў. Потым, магчыма, экспрэс-тэсты паступяць у продаж.

Вайскова-транспартны самалёт Іл-76 МД з 32 т гуманітарнага грузу на борце прыбыў з Пекіна на аэрадром Мачулішчы пад Мінскам, паведамляе БЕЛТА. У складзе грузу — экспрэс-тэсты, рэспіратары, медыцынскія маскі, пульсаксіметры, медыцынскія ахоўныя касцюмы, ахоўныя акуляры, інфрачырвоныя тэрмометры, аднаразовыя медыцынскія пальчаткі. Агульная сума медыцынскай гуманітарнай дапамогі, аказанай кітайскімі кампаніямі, склала каля $ 1,64 млн.