Таргі на Беларускай валютна-фондавай біржы стартавалі з адчувальнага падзення долара і еўра, а на фінішы таргоў мінус толькі ўзмацніўся, піша onliner.by.
Па заканчэнні таргоў долар скінуў 3,49 капейкі і фінішаваў з адзнакай у 2,5205 беларускія рублі.
Еўра страціў 3,48 капейкі. Яго выніковы кошт — 2,7367.
Расійскі рубель набраў 0,75 капейкі, і яго сотня скончыла таргі на ўзроўні 3,3744.
— Долар падае да ўсіх валют у свеце, а расійскі рубель падае яшчэ мацней. Гэта звязана з коштамі на нафту, — тлумачыў старшы аналітык «Альпары» Вадзім Іосуб на t*t.by.
Кошты на нафту ў цэлым выраслі за апошнія суткі на 6%. Нагадаем, сёння стартуюць перамовы па нафце краін АПЕК +. Чым яны скончацца, пакуль невядома. На фоне росту коштаў на нафту даляр і еўра ўчора ў Расіі таксама аселі.
У сераду долар страціў 0,08 капейкі і стаў каштаваць 2,5512 рублі. Еўра ўпаў на 0,19 капейкі, да 2,7715. Сотня расійскага рубля знізілася на 1,52 капейкі, да 3,3669.
Нагадаем, што паводле дадзеных Нацбанка, у сакавіку беларусы купілі замежнай валюты ў 6,2 разы больш, чым у студзені. Усяго за тры першыя месяцы ў Беларусі купілі валют на 2,69 млрд даляраў, прадалі на 2,23 млрд долараў.
Адпаведна, попыт у сакавіку перавысіў прапанову на 279,4 млн долараў. У лютым гэты паказнік склаў 128 мільёнаў долараў, у студзені - 44,8 мільёна долараў.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…