Чаму Януша называлі «Вантрубка» і хто хадзіў у тэатр у ніжняй бялізне. Успаміны старажыла з Гродна збіраў Руслан Кулевіч у прамым эфіры

Першы анлайн-івэнт ад Hrodna.life прайшоЎ 2 красавіка. Ім стаў майстар-клас Руслана Кулевіча «Як адкрываць гісторыю праз вусныя ўспаміны». У жывым эфіры Руслан працаваў з вуснымі ўспамінамі гродзенскага старажыла Януша Паруліса. Усе зарэгістраваныя ўдзельнікі атрымаюць запіс размовы па электроннай пошце. Іншыя ахвотныя могуць паслухаць запіс па спасылцы.

На майстар-класе Руслан распавёў пра асноўнае правіла працы са сталымі людзьмі: ніколі не трэба перабіваць чалавека, варта даць яму выгаварыцца.

youtu.be/EGps_mBZC6Q

Падчас размовы з Янушам усплывалі не толькі яго асабістыя ўспаміны, але і «ўспаміны ўспамінаў» бацькоў і дзядуль з бабулямі.

Руслан звярнуў увагу на тое, што ў працы з занатаванымі ўспамінамі потым праводзіць перыядызацыю — сам разносіць розныя часткі наратыву героя адпаведна ўзгаданаму часу.

---

Чытай яшчэ: «Навошта цыгарэты, каб не кава?» Пра шкодныя радасці жыцця раскажа выстава ў музеі Паруліса

---

Ва ўспамінах часам узнікаюць вельмі асабістыя рэчы. На першы погляд, яны тычацца толькі героя, але насамрэч таксама характарызуюць час.

Так Януш распавёў, што ў дзяцінстве, у паваенныя гады, меў мянушку «Вантрубка». Яе вытокі аказаліся цесна звязанымі з побытам гарадской сям'і. Дом Парулісаў мясціўся недалёка ад рынка. Туды з суседніх вёсак прывозілі на продаж жывёлаў на мяса.

Януш расказаў, што маці купляла тушкі цялушак, сама здымала з іх шкуру, разбірала і прадавала па частках. Для сваёй сям'і звычайна пакідалі ўнутранасці. Малы Януш больш за ўсё любіў есці вантробу.

Калі маці выходзіла клікаць малога падсілкавацца, то крычала: «Януш! Вантрубка!» Гэта заўважылі і падхапілі сябрукі хлончыка. Так ён і атрымаў сваю мянушку.

---

Чытай таксама: Святы Мікалай і стогадовыя балерыны. Да Калядаў і Новага года Януш Паруліс зладзіў выставу ёлачных цацак

---

Цалкам запіс размовы можна паслухаць тут. Калі ёсць пытанні да Руслана іх можна задаваць журналісту асабіста.

Набыць два папярэдніх сборнікі успамінаў сталых гродзенцаў, сабраных Русланам Кулевічам, можна ў крамах Акадэмкніга (Мінск) і Белкніга (Гродна), а таксама ў рэдакцыі Hrodna.life (вул. Кірава 3, Гродна) і ў выдавецтве «Літары» (вул. Маркса 11, Гродна).

---

Чытай яшчэ:

«Хто нас, пенсіянераў, ведаў? А ён зрабіў нас героямі». У Гродне прадставілі новую кнігу Руслана Кулевіча

«Столькі людзей прыходзіла толькі на Вольскага». Пры поўным аншлагу прайшла прэзентацыя кнігі Руслана Кулевіча з успамінамі гродзенцаў

---

Удзел у майстар-класе і доступ да відэаматэрыялу занятка цалкам бясплатны. За гэта дзякуем падтрымцы партнёраў рэдакцыі студыі камп’ютарнага дызайну Іквадарт.

---

Чытай яшчэ: Журналісты і ІТ-шнікі з Гродна прыдумалі камп’ютарную гульню, каб правільна сартаваць смецце

---

Арганізацыйную і метадычную падтрымку мерапрыемства забяспечыла «Навучальна-практычная установа «Цэнтр падрыхтоўкі медыяспецыялістаў «Медыятрэнер». Да іх таксама можна звяртацца па арганізацыі разнастайных адукацыйных курсаў і лекцый і ўдзеле ў падобных мерапрыемствах.