Анлайн майстар-клас «Як адкрываць гісторыю праз вусныя ўспаміны» правядзе 2 красавіка журналіст Руслан Кулевіч. Удзел у мерапрыемстве бясплатны. Каб далучыцца да сустрэчы патрэбна рэгістрацыя.
Раней майстар-клас планавалася правесці ў афлайне. Змены ў форме і часе правядзення звязаны з небяспекай распаўсюду віруснай інфекцыі. Сустрэча анлайн пройдзе 2 красавіка, ад 19.00 да 20.30.
Удзельнікі анлайн-занятку атрымаюць магчымасць у рэжыме рэальнага часу назіраць, як Руслан працуе з вядомым гродзенскім старажылам, арганізатарам прыватнага музею гарадскога побыту Янушам Парулісам. Таксама будзе магчымасць задаць пытанні вядоўцу і яго герою.
Удзельнікам майстар-класа можа стаць любы ахвотны, незалежна ад узросту і месца жыхарства. Калі вас цікавіць жывая гісторыя Гродна і яго жыхароў - далучайцеся. Вы навучыцеся збіраць і сістэматызаваць успаміны і асабістыя гісторыі сваіх блізкіх, старажылаў ды іншых цікавых людзей.
Пазней удзельнікі майстар-класа змогуць далучыцца да праекта Руслана па зборы ўспамінаў жыхароў пасляваеннага Гродна.
Удзел у майстар-класе бясплатны дзякуючы падтрымцы партнёраў рэдакцыі студыі камп’ютарнага дызайну Іквадарт.
Арганізацыйную і метадычную падтрымку мерапрыемства забяспечыла «Навучальна-практычная установа «Цэнтр падрыхтоўкі медыяспецыялістаў «Медыятрэнер». Да іх таксама можна звяртацца па арганізацыі разнастайных адукацыйных курсаў і лекцый і ўдзеле ў падобных мерапрыемствах.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…