«Беларусбанк» забараніў пераводы на валютныя карты, а на наступны дзень зняў забарону

Абноўлена. 26 сакавіка «Беларусбанк» абвясціў аб прыпыненні з 14:00 асобных відаў аперацый пры выкарыстанні банкаўскіх плацежных картак (іх рэквізытаў). Сёння ж навіна знікла з сайта, а ў кантакт-цэнтры банка onliner.by пацвердзілі: абмежаванні будуць знятыя сёння. Прычын забароны і яе адмены ў банку не патлумачылі.

— Так, сапраўды, учора было распараджэнне праўлення банка аб забароне, — кажуць у кантакт-цэнтры. — Але сёння з раніцы паступіла распараджэнне аб адмене гэтай забароны. Сёння на працягу дня абмежаванні будуць знятыя.

Якія аперацыі прыпынялі:

• Выдача ў банкаматах і касах банка наяўнай замежнай валюты па картках, выпушчаных у беларускіх рублях.
• Выдача замежнай валюты па картках іншых банкаў у касах і банкаматах банка.
  Папаўненне валютных картак беларускімі рублямі ў банкаматах, інфакіёсках і ў касах банка.
• Аперацыі пераводу ў замежнай валюце з прымяненнем картак (іх рэквізітаў), выпушчаных у беларускіх рублях.
• Пераводы беларускіх рублёў з прымяненнем рэквізітаў банкаўскіх картак на бягучыя (разліковыя) банкаўскія рахункі, адкрытыя ў замежнай валюце.
• Папаўненне ўкладаў, разліковых банкаўскіх рахункаў у замежнай валюце з дапамогай банкаўскай карткі, выпушчанай у беларускіх рублях.
• Прыпыненне асобных відаў аперацый распаўсюджваецца на карткі фізічных асоб.

Якія аперацыі па картках у беларускіх рублях не абмяжоўвалі:

• Аплата пакупак у замежнай валюце ў арганізацыях гандлю (сэрвісу), у тым ліку інтэрнэт-крамах;
• пагашэнне крэдытаў банка ў касах, інтэрнет-банкінга і мабільным банкінга, выдадзеных раней у замежнай валюце;
• выдача наяўнай замежнай валюты ў іншых банках (у тым ліку за мяжой);
• пакупка інтэрнет-аблігацый, намінаваных у замежнай валюце.

Быў даступны пералік з укладных (дэпазітных) рахункаў у замежнай валюце грашовых сродкаў на карткі, выпушчаныя ў замежнай валюце.