У Беларусі ўжо гатовыя чарнавыя варыянты праектаў Кодэкса аб адміністрацыйных правапарушэннях і Працэсуальна-выканаўчага кодэкса аб адміністрацыйных правапарушэннях. Дакументы абмяркоўвалі на пасяджэнні міжведамаснай экспэртнай камісіі па ўдасканаленні мер адміністрацыйнай адказнасці, піша belta.by.
Напрыклад, на некаторых дарогах павялічаны хуткасны рэжым, аптымізавана выкарыстанне сродкаў фота- і відэафіксацыі дарожных парушэнняў.
«Мы прапануем усім смялей выключаць склады правапарушэнняў з асаблівай часткі кодэкса. Гэтага ж патрабуе прэзідэнт», — звярнула ўвагу намесніца кіраўніка Адміністрацыі прэзідэнта Вольга Чупрыс.
У якасці прыкладу яна прывяла прыцягненне грамадзян да адказнасці за праходжанне мяжы з пратэрмінаванымі пашпартамі. На яе думку, дастаткова разгарнуць чалавека і адправіць назад, не варта караць яго штрафам. «Або прыцягваюць да адказнасці за тое, што ў пашпарт укладзеныя іншыя прадметы. На сённяшні дзень гэта, напэўна, ужо неактуальна», — лічыць яна.
Вольга Чупрыс распавяла, што ў праекце кодэксаў пакуль ёсць спрэчныя моманты і некаторыя недапрацоўкі, якія трэба будзе вырашыць працоўнай групе. На гэта ёсць два месяцы.
Новыя варыянты кодэксаў распрацоўваюць на даручэнне Аляксандра Лукашенкі. На яго думку, важна забяспечыць стабільнасць адміністрацыйнага заканадаўства і рэалізацыю прафілактычных мераў. За няпоўныя пяць гадоў зарэгістравана 16 млн парушэнняў, за здзяйсненне якіх да адказнасці прыцягнутыя каля 3,5 млн грамадзян — больш за 50% усяго працаздольнага насельніцтва.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…