Пошліны на электрамабілі могуць адмяніць — але на абмежаваны тэрмін

Стаўку ўвазной мытнай пошліны для электрамабіляў плануецца ўсталяваць у памеры 0%. Дзейнічаць яна будзе да канца бягучага года. Цяпер праект праходзіць узгадненне, піша abw.by.

​Як паведамілі ў прэс-службе ЕЭК, на пасяджэнні Калегіі ЕЭК 18 лютага быў падтрыманы праект рашэння Савета ЕЭК аб усталяванні нулявой стаўкі ўвазной мытнай пошліны Адзінага мытнага тарыфу ЕАЭС на электрамабілі да канца 2020 года. Дзеянне гэтай меры будзе распаўсюджвацца і на электрамабілі, што ўвозяць фізічныя асобы.

Як падкрэсліў старшыня Калегіі ЕЭК Міхаіл Мясніковіч, гэтая мера будзе спрыяць фарміраванню ў ЕАЭС рынку электрамабіляў, развіццю іх вытворчасці і зараднай інфраструктуры.

«Перш за ўсё для фармавання рынку электрамабіляў ЕАЭС апераджальнымі тэмпамі павінна стварацца інфраструктура і зарадныя станцыі. Другое пытанне — вытворчасць уласных электрамабіляў. Тры краіны ўжо актыўна гэтым займаюцца», — адзначыў кіраўнік Калегіі ЕЭК.

Раней у дачыненні да электрамабіляў ужо ўжывалася стаўка ўвазной мытнай пошліны ў памеры 0% - з верасня 2016 г. па жнівень 2017-га. За гэты час імпарт, да прыкладу, у Беларусь павялічыўся ў фізічным дачыненні амаль у 4 разы, у вартасным — у 8 разоў. Разам з тым аб’ём ўвозу і продажаў электрамабіляў у іншых дзяржавах ЕАЭС паказаў, што нулявая стаўка не дазволіла дасягнуць запланаваных вынікаў па фарміраванні рынку. Акрамя таго, мера не дзейнічала ў дачыненні да фізічных асоб.

Па выніках абмеркавання члены Калегіі ЕЭК падтрымалі прапанову аб часовым вызначэнні нулявой стаўкі ўвазной мытнай пошліны на электрамабілі. Канчатковае рашэнне належыць прыняць Савету ЕЭК.

Наш ответ Илону Маску? В Гродно будут делать электромобили из б/у