Найстарэйшы ў Беларусі чыгуначны мост, які знаходзіцца ў Гродне, за сваю гісторыю разбуралі тры разы — у пачатку Першай сусветнай вайны і два разы падчас Другой. У інтэрнэце ёсць унікальнае відэа, як яго аднаўляюць немцы ў 1942 годзе.
Гэта відэа нам даслаў Томэк Вішнеўскі, прадстаўнік сайта jewishbialystok.pl. Ён яго знайшоў у адным з нямецкіх архіваў і некалькі гадоў таму выклаў у інтэрнэт.
Чыгуначны мост у Гродна быў пабудаваны ў 1866 годзе для лініі Санкт-Пецярбург — Варшава. Ён перакінуты праз раку Нёман у раёне Падольнай вуліцы на правым беразе і Збажовай вуліцы на левым.
Першы раз мост узарвалі пры адступленні рускія салдаты ў 1915 годзе. Немцы часова аднавілі мост у 1918 годзе з дапамогай драўляных апор. Толькі ў 1926 годзе палякі аднавілі мост канчаткова, пры гэтым узмацніўшы апоры.
Другі раз мост пацярпеў у 1941 годзе, яго падарвалі ўжо савецкія салдаты пры адступленні. У тым жа годзе немцы сталі адбудоўваць мост і ў 1942 годзе па ім зноў пайшлі цягнікі, у асноўным вайсковыя.
У 1944 годзе пры адступленні немцы ўзарвалі мост. Канчаткова збудаванне праз Нёман аднаўлялі пасля вайны. Сёння гэта адзіны чыгуначны мост Гродна. Штодня па ім ездзяць грузавыя і пасажырскія цягнікі.
У гродзенскай школе праводзілі конкурс малюнкаў да Дня Перамогі 9 траўня. У адным з чатаў…
Перад Вербнай нядзеляй у касцёле святога Арханёла Міхаіла ў Навагрудку асвяцілі падарунак - абразы святых…
У Гродне на вуліцы Дальняй, 17, прадаецца дом з незвычайным інтэр'ерам, які месцамі нагадвае тэатральныя…
Будынак былой камендатуры (палац Чацвярцінскіх) у парку Жылібера набыў канчатковыя рысы пасля абнаўлення. Праўда, новы…
Гродзенцы скардзяцца, што пракаціцца на веласіпедзе ці роліках па веладарожцы ў Пышках праблематычна. Прычына ў…
Гродзенка Вікторыя паскардзілася ў Threads, што запісацца на прыём да мясцовых артадонтаў амаль немагчыма. Пра…