Кола агляду ў Гродне пачне працу 14 лютага. Узгадненне дакументаў, мантаж канструкцыі, устаноўка пасадачнай платформы і добраўпарадкаванне прылеглай тэрыторыі ішло на працягу паўгода, паведамляе grodnoplustv.by. Раней меркавалася, што атракцыён запрацуе ў верасні.
Працягласць паездкі на коле — каля 10 хвілін. За адзін круг змогуць адначасова пакатацца 96 чалавек. Дзякуючы шкляному афармленню кабінак агляд адкрыты на 360 градусаў. Кошт квітка на кола — 4 рублі.
Ілюмінацыя атракцыёну адна з самых сучасных у СНД. За паўгадзіны тут выяўляецца каля 60 малюнкаў, што плаўна змяняюць адзін аднаго.
Гэта самы буйны і высокі атракцыён у Гродне. Гродзенскае кола агляду будзе другім у Беларусі па вышыні і змяшчальнасці пасажыраў. Вышыня «чортавага кола» — 42 метры, як 14-павярховы жылы дом. Кабінкі закрытага тыпу і, дарэчы, унутры прадугледжаны абагравальнікі, таму кола можа «круціцца» круглы год. Для турыстаў прадугледжаны аўдыягід на замежных мовах.
У Гродне раней было кола агляду, у 80-ых гадах. Гродзенцы ўжо паспелі засумаваць па такім атракцыёне. Яно было меншым, 30 метраў, знаходзілася ў Каложскім парку, і пасля 10-ці гадоў эксплуатацыі было дэмантавана.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…