Два аўтамабілі ў Шчучынскім раёне здзьмула ветрам у кювет. Гэта адбылося сёння з розніцай практычна ў 2 гадзіны на 210-м і 222-м кіламетрах аўтадарогі М6 Мінск — Гродна.
У абодвух выпадках, як паведамілі ў ДАІ, дадатковым, калі не асноўным фактарам быў моцны бакавы вецер. Кіроўцы, праехаўшы больш спакойную зону, дзе па баках знаходзіўся лес, пры выездзе на адкрытую прастору гублялі кіраванне і з’язджалі ў кювет.
На шчасце, у аварыях ніхто сур’ёзных траўмаў не атрымаў.
