Пра смерць кітайскага доктара Лі Вэньляня, які першым папярэдзіў пра эпідэмію каронавіруса і сам заразіўся гэтай хваробай, паведаміла кітайскае дзяржаўнае выданне Global Times. Пазней тое ж выданне інфармацыю абвергла.
Паведамлялася, што Лі Вэньлян памёр 6 лютага ў правінцыі Ухань ва ўзросце 34 гадоў. Але насамрэч ён знаходзіўся ў крытычным стане. У яго спынялася сэрца.
Праз некаторы час шпіталь ва Ухане паведаміў, што лекар усё-ткі памёр. Смерць наступіла 7 лютага ў 02:58 па мясцовым часе (21:58 6 лютага па мінскім часе).
Паводле дадзеных «Бі-бі-сі», якія цытуе «Медуза», пасля таго як смерць Лі пачалі абмяркоўваць у сацсетках, кітайскія чыноўнікі запатрабавалі падключыць яго да апарата штучнага жыццезабеспячэння, а фармулёўку ў паведамленнях змяніць з «памёр» на «знаходзіцца ў крытычным стане».
Незадоўга да ўспышкі вірусу Лі Вэньлян папярэдзіў пра 2019-nCoV іншых медыкаў: у яго шпіталь даставілі 7 хворых з сімптомамі падобнымі да атыповай пнеўманіі. Пра гэта ён напісаў у групе выпускнікоў медінстытута ў кітайскім мэсенджары WeChat. На наступны дзень да яго прыйшлі паліцыянты і запатрабавалі спыніць распаўсюджваць чуткі. У канцы студзеня доктар расказаў пра гэты выпадак у кітайскай сацсетцы Weibo, калі ляжаў у шпіталі з вірусам.
Паводле СААЗ, на 6 лютага, новым тыпам каронавірусу заразіліся 24,5 тысячы чалавек. За межамі Кітая зафіксавалі 191 выпадак. Загінулі больш за 560 чалавек.
Будынак былой камендатуры (палац Чацвярцінскіх) у парку Жылібера набыў канчатковыя рысы пасля абнаўлення. Праўда, новы…
Гродзенцы скардзяцца, што пракаціцца на веласіпедзе ці роліках па веладарожцы ў Пышках праблематычна. Прычына ў…
Гродзенка Вікторыя паскардзілася ў Threads, што запісацца на прыём да мясцовых артадонтаў амаль немагчыма. Пра…
Сілавікі прыйшлі да маці журналіста і блогера Валерыя Руселіка ўвечары 9 красавіка. Яны былі ў…
Валянцін Байко, намеснік дырэктара па развіцці «Контэ Спа», і яго брат, Дзмітрый Байко, намеснік дырэктара…
Grodno Coffee Festival пройдзе ў Гродне з 15 па 29 красавіка. У фестывалі возьмуць удзел…