Фота: адкрытыя крыніцы
Абвешчаны новы конкурс на атрыманне стыпендый для навучэнцаў з Арменіі, Азербайджана, Беларусі, Грузіі, Рэспублікі Малдова і Украіны ва ўзросце 16−17 год, якія жадаюць паглыбіць свае веды аб Еўропе і Еўрапейскім саюзе. Заяўкі прымаюцца да 14 сакавіка 2020 года.
Стыпендыяльная праграма фінансуецца ЕС. Стыпендыі атрымаюць 35 найбольш паспяховых навучэнцаў з шасці краін, якія па завяршэнні навучання атрымаюць міжнародна прызнаны дыплом Міжнароднага бакалаўра (IB) з акцэнтам на еўрапейскія даследаванні. Праграма Еўрапейскай школы Усходняга партнёрства рэалізуецца ў Новай школе, Тбілісі, Грузія. Курс навучання разлічаны на два гады, пачынаючы з акадэмічнага года 2020−2021.
Гэтая ўнікальная праграма спалучае перадавы акадэмічны досвед праграм IB са спецыялізаваным выкладаннем, натхнёным еўрапейскай школьнай сістэмай. Абраныя студэнты будуць наведваць заняткі ў шматмоўным і шматкультурным асяроддзі, пашыраць свае веды пра Еўропу і Еўрапейскі саюз, паглыбляць веданне еўрапейскіх моў, літаратуры і гісторыі. Студэнты змогуць удзельнічаць у насычанай пазакласнай праграме, а таксама прымаць удзел у канферэнцыях высокага ўзроўню па пытаннях ЕС. Па сканчэнні праграмы студэнты атрымаюць міжнародны дыплом бакалаўра (IB) ў галіне еўрапейскіх даследаванняў.
Еўрапейская школа Усходняга партнёрства была створана ў рамках намаганняў ЕС і яго краін-партнёраў па ўмацаванні адукацыйных магчымасцей і міжрэгіянальных абменаў для моладзі ў Арменіі, Азербайджане, Беларусі, Грузіі, Рэспубліцы Малдова і Украіне.
Для ўдзелу ў конкурсе зацікаўленыя навучэнцы мусяць падаць заяўкі да 14 сакавіка 2020 года, 12:00 (поўдзень, UTC +4:00) праз сайт www.eapeuropeanschool.eu. Працэс адбору будзе ўключаць пісьмовыя тэсты і сумоўе для загадзя адабраных кандыдатаў. Спіс стыпендыятаў на 2020−2021 навучальны год будзе абвешчаны ў другой палове траўня 2020 года.
Па ўсіх пытаннях просім звяртацца па электронным адрасе euscholarship@eapeuropeanschool.eu або па тэлефоне: + 995 32 225 70 06 (стацыянарны тэлефон).
На таргі выставілі ўчастак каля кальцавой развязкі праспекта Касманаўтаў і вуліцы Карскага. Згодна з прызначэннем…
Сэрвіс карт ад Google абнавіў спадарожнікавыя фатаграфіі Гродна. На іх можна ўбачыць найбуйнейшыя будоўлі горада,…
Гродзенка Вікторыя Талкоўская апублікавала TikTok, у якім папрасіла гараджан назваць самыя змрочныя месцы Гродна. За…
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…