«Белпошта» змяніла тарыфы на перасылку некаторых лістоў па тэрыторыі Беларусі, паведамілі на афіцыйным сайце прадпрыемства. Пры аплаце сацыяльных паслуг праз касы аддзяленняў пошты камісію 60 капеек браць не будуць.
У кантакт-цэнтры «Белпошты» растлумачылі, што камісія не будзе брацца за аплату праз касу тых паслуг, якія аказваюць тэрытарыяльныя цэнтры сацабслугоўвання насельніцтва, піша t*t.by.
Калі паглядзець у АРІП, гэта паслугі няні, сядзелкі, разавая і сацыяльная дапамога дома, гурткі і іншае.
— Прыём плацяжоў - гэта дадатковая паслуга РУП «Белпошта». Раней плата за гэта не бралася. З 1 студзеня 2020 года пад прыём некаторых плацяжоў праз касу мы сталі браць 60 капеек. Але калі плацёж прымаецца за сацыяльную паслугу, камісія за яго спаганяцца не павінна, — сказала аператар кантакт-цэнтра.
Таксама з 30 студзеня падаражэе перасылка заказнога ліста масай да 20 г для фізічных асоб на 8 капеек і будзе каштаваць 1,98 рубля, для юрыдычных асоб — 2,04 рубля. Падвысяцца тарыфы на перасылку ўнутраных адпраўленняў ЕМS, адпраўленняў «Е-commerce», паслугі лінейкі «Камфорт», паслугі «Паштовы кур’ер» у сярэднім на 5 працэнтаў.
Тарыфы на ўніверсальныя паслугі паштовай сувязі (перасылка простай паштовай карткі, простага ліста (бандэролі)), перасылку адпраўленняў «1 клас», дадатковыя паслугі паштовай сувязі агульнага карыстання «Белпошта» не мяняе.
З 21 красавіка на маршруце Гродна-Мінск большасць маршрутак заменяць кітайскімі аўтобусамі Zhong Tong. Транспарт закуплялі…
Зараз праз памежныя пераходы ў Мядзінінкай (з беларускага боку Каменны Лог) і Шальчынінкай (Беняконі) можна…
У Гродне на продаж выставілі начны клуб "Калізей 2000". Ён прадаецца як гатовы бізнес. Паглядзелі,…
Прадаюць камерцыйнае памяшканне ў падвале будынка на вул. Савецкіх Пагранічнікаў, 17. Там дызайнерскі рамонт у…
У Гродне з аўкцыёну прадаюць памяшканне афтальмалагічнага цэнтра "Новое зрение" на вул. Леніна, 13-3. У…
Чарачная “са смакам дзяцінства” DEHDИ адкрылася ў Гродне на вул. 1-й Працоўнай, 8. Уладальнікі абяцаюць,…