Беларусь акрэдытавала ў Кітаі 14 новых вытворцаў мясной прадукцыі, піша belta.by са спасылкай на сайт амбасады Беларусі ў КНР. Сярод іх Гродзенскі, Слонімскі і Ваўкавыскі мясакамбінаты.
Галоўнае мытнае ўпраўленне КНР сумесна з Міністэрствам сельскай гаспадаркі і харчавання Беларусі завяршыла акрэдытацыю 14 вытворцаў мясной прадукцыі. Яны змогуць займацца пастаўкамі ў КНР.
Сярод акрэдытаваных 11 новых вытворцаў ялавічыны. Гэта Пінскі, Брэсцкі, Жлобінскі, Гомельскі, Гродзенскі, Віцебскі, Слонімскі, Ваўкавыскі мясакамбінаты, прадпрыемства «Брэсцкія традыцыі», «Вахавяк Плюс», «Мірон».
Акрэдытацыю атрымалі і тры вытворцы мяса курыцы — «Беларуснафта-Асобіна» і дзве пляцоўкі птушкафабрыкі «Рассвет». Акрамя таго, для пяці вытворцаў курыцы пашыраны асартымент прадукцыі, магчымай да экспарту ў КНР, уключна з курынымі лапкамі, кончыкамі крылаў і субпрадуктамі.
Паводле даных Мінсельгасхарча, у студзені-верасні 2019 года пастаўкі ў Кітай мясапрадукцыі выраслі ў 30 разоў — да 29 млн даляраў. У ліку іншага экспарт ялавічыны склаў 3,5 тыс. тонаў, птушкі - 6,3 тыс. тонаў. Пастаўкі малакапрадуктаў (у асноўным сухога абястлушчанага малака) дасягнулі 22 млн долараў. Па выніках года запланаваны на год аб’ём экспарту ў Кітай у 90 млн даляраў планавалася перакрыць, падышоўшы да мяжы ў 100 млн долараў, піша t*t.by.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…