Прэм’ер-міністр Расіі Дзмітрый Мядзведзеў заявіў, што ўся магчымая далейшая дадатковая падтрымка будзе аказвацца Беларусі толькі тады, калі ўсе дарожныя карты па інтэграцыі будуць выкананы. Паводле яго слоў, не ўзгоднена дарожная карта, прысвечаная далейшай інтэграцыі, уключаючы стварэнне наднацыянальных органаў, адзінай валюты і адзінага эмісійнага цэнтра, перадае tass.ru.
«Работа праведзена, [дарожныя] карты ўзгодненыя і ў прынцыпе, калі сур’ёзна глядзець на інтэграцыю, мы можам перайсці да яе фарсіраванага прасоўвання, а менавіта выканаць тое, што ў гэтых картах значыцца — з першай па трыццатую, прыняць уніфікаванае заканадаўства, каб гэта былі сапраўдныя законы «, — сказаў журналістам старшыня ўрада РФ. Паводле яго слоў, не ўзгоднена дарожная карта, прысвечаная далейшай інтэграцыі, уключаючы стварэнне наднацыянальных органаў, адзіную валюту і адзіны эмісійны цэнтр. «Цяпер дарога [для развіцця інтэграцыі] адкрыта, дакументы ўзгоднены», — сказаў Мядзведзеў.
«Усе формы дадатковай падтрымкі [Беларусі], акрамя таго, што ў нас і так прасунутыя адносіны, практычна за 8 млрд Беларусь мае расійскіх крэдытаў, — дадатковыя формы крэдытавання магчымыя толькі ў выпадку, калі дарожныя карты будуць выкананы і ўвасобяцца ў законы», — падкрэсліў кіраўнік кабінета міністраў РФ. На яго думку, у гэтым выпадку можна будзе гаварыць аб кампенсацыі падатковага манеўру для Беларусі і ў іншых пытаньнях.
Прэм’ер-міністр РФ сказаў, што да Новага года не плануе адпраўляцца ў Мінск. Паводле яго ацэнкі, пры падрыхтоўцы дарожных інтэграцыйных карт праведзена вялікая праца, за што ён падзякаваў членам урада. Кіраўнік Кабміна падкрэсліў, што для інтэграцыі зараз ёсць «добры план», які трэба ўвасобіць у законы, і тады гэта стане ўжо незваротна «. Мядзведзеў дадаў, што пры развіцці інтэграцыі многае залежыць ад рашэнняў Мінска.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…